Sib’alaj taqim k’ut utaqixik kasuk’umaxik ri e tz’apil pache’ ri’ xuquje’ are uwach ri b’anoj chakunem rech Trabajo Social rech ri Dirección General rech ri Sistema Penitenciario (DGSP) pa we junab’ ri’, rumal ri’ xechakux k’i taq cholchak rech kesuk’umax ri e tz’apil pache’ pa le juk’al keb’ (22) chi jatz’apib’al rech pa we amaq’ ri’.
Rumal ri’ xechakux k’i taq cholchol rech ch’ab’al kojb’al ri’ ri xetatab’en wi e 61,143 chi winaqil e tz’apil pache’, xuquje’ rech pa taq programas familiares ri’ ruk’ e 166 chi e ajpache’, jeri’ pa le programa rech formación social ri xetatab’en wi e 3,262 chi e ajpache’ ri’.
Xuquje’ xek’oji pa le cholchak rech na’ojalil no’jk’aslemal e 2,524 chi winaqil ri’, pa le cholchak choletz’anem xek’oji e 17,887 ri’ xuquje’ pa le cholchak rech choman winaqil xek’oji e 9,874 ri e ajpache’ ri’.
Pa le b’anoj taq tijonem pa le japache’ tz’apib’al ri’, chi’ xetijoxik rech xesuk’umaxik e 340 chi winaqil e ajpache’ ri xkik’is uwach ri tijonem chi ke ri’, pa le Primaria Acelerada xek’oji e 395 ri’ ri xkik’is uwach ri tijonem ri’, e 406 xek’oji pa le Ciblo Básico, e 161 xek’oji pa le Diversificado ri’ xuquje’ e k’o 1,635 chi winaqil e ajpache’ xek’oji pa Curos Extraescolares ri’, eri q’atb’al tzij rech ri jatz’a´pib’al ri’ xkib’ij che are la’ tijonem xb’antajik ri xtaq ub’anik rumal ri Q’atb’al tzij rech ri Taqawokajnem rech Ya’olchajinem pa Amaq’il ri’.