Pa le q’ij domingo keb’ rech mayo ri’, eri reqa’lenel ri wokajil ajchajil tinamit rech ri (PNC) xuquje’ ri Sistema Penitenciario (SP) kekowon che uchapik juntir uwach ri rachoch japache’ ub’i’ Centro rech Alta Seguridad Canadá, ub’i’ El Infiernito”, pa le ukab’ q’ij chi’ xkirqi wi loq k’i k’olib’al ub’i’ “caletas” nojinaq chi ch’a’web’alil juntir uchokonsab’al, ruk’ pwaqil xuquje’ ruk’ nik’aj chik jastaq.
Are chi’ xchapik uwach juntir rech xb’an ri jikom chajinem chi’ kumal ri wokajil ajchajil tinamit rech xkimaj utorik jun upam ri nimaja, xkitor uwo taq xaq xuquje’ nik’aj chik k’olib’alil che ri xkiwajo wi jastaq kiwam chi la’.
Chi la’ k’ut xriq wi kajlajuj chi pisob’al rech ch’a’web’alil, oxib’ Reuters, oxib’ chi chips, ruk’ juk’al wajxaqib’ chi pisob’al ruk’ ri Q70 mil chi pwaqil pisom chi upam. Xuquje’ k’aqb’alil, kolob’ch’ich’, b’ilob’al uq’aq’ ch’a’web’al, ruk’ 48 ch’ich’ k’olib’al tzam, jun USB xuquje’ julajuj chi pisob’al ruk’ poxilina. Eri q’atb’al tzij xkitzuj ri’ che are wa’ ri xriqitajik, pa le japache’, eri e tz’apil wi e 225 pandilleros rech ri Barrio 18 ri’.