Rumal xe’opan ri e’ajchajin tinamit k’o jun b’anow k’ax k’aqanik sib’alaj xkiq’atij; rumal k’u ri’ e k’o nik’aj winaq xechapik keqam k’aqb’al q’aq’ ri’.
Eri reqa’lenelab’ ri Comisaría 15 rech ri Wokajil Ajchajin Tinamit (PNC) k’o jun b’anow k’ax k’aqanem xkiq’atij pa le zona 3 rech Boca del Monte, Villa Canales ri’, chi la’ k’ut xkichap wi loq a Erick “N”, 43 ujunab’, “Capibara” ukojomb’i’aj, xuquje’ a Lusbin “N”, 27 ujunab’, ri “Mudo” ukojomb’i’aj, ruk’ jun ala 17 ujunab’ ri xchapik, ri Memo” ukojomb’i’aj ri’, e’are kab’ixik e’uwinaqil ri jun molaj b’anol k’ax rech ri Barrio 18 ri’.
Eri xechap k’ut k’o keb’ chi k’aqb’al q’aq’ xriqitaj kuk’, ruk’ oxib’ chi ch’a’web’ab’al, keb’ rijxa’ q’ateb’al ub’aq’ k’aqb’al ruk’ jun b’insal ch’ich’ ri e b’enaq wiri’. Eri jun chi ke taq ri k’aqb’al ri’ are keleq’am k’a pa 21 rech mayo rech 2025, pa le kilómetro 7.8 rech ri nimab’e kab’e El Salvador.
Ri a Lusbin “N” xq’alajinik e k’o ch’a’web’al xe’ukoj ri’ pa taq ri rachoch japache’ tz’apib’al, rumal ri’ xaq uchapik pa le d27 rech septiembre rech ri 2024. Xuquje’ k’o winaq ukamisam ri’.
Are chi’ xechapik, eri nik’aj winaq ri’ xkiya utzijol che xa’ e taqom ri’ rumal jun achi ub’i’ a Ever Dionicio Sinay, ri “Cartoon” ukojomb’i’aj ri’, are ajtaqanel rech ri jun molaj b’anol k’ax kib’i’ Los Crazy Gangsters, rech ri Barrio 18, ri kab’ixik chanim k’ut e tz’apilik pa japache’.
Kab’ixik e’are ri jun molaj b’anow k’ax ri’ are xetaqon rech ub’anik ri jun k’aqanik chi ke ri k’o koyowaj chi kij, le rilik ri’ are tane’ rumal le k’o chi uwach chi la’.
Eri PNC sib’alaj katajin che ub’anik ri tzukunik chi kij rech kaq’alajisaxik ri k’ax xkib’an ri nik’aj xechap ri’ xuquje’ rech keq’alajisax kiwach nik’aj chik molaj b’anol k’ax pa le k’aqanik ri’.