Eri Jachkub’al rech Tzukunem tajin kuya uchuq’ab’ ri utz’apixik ri Seminario Internacional Policial Investigadores rech ri Subdirección General rech Investigación Criminal (SGIC), rech ri Wokajil Ajchajin Tinamit (PNC) xek’oj pa jun uq’ijol tijonem ri’ rech ya’ik uchuq’ab’ rech ri b’anow taq utzilaj taq tzukunem q’alajisaxik. Pa konojel, k’o 23 chi ajchajinelab’ xkik’iso uwach ri choltijonem rech kakimajo ujipixik uwach taq ri eta’mab’alil pa taq ri kichak ronojel q’ij.

Eri b’anowem ri’ are la’ xb’an pa taq le rachoch ri Gabinete Criminalístico rech riPNC ri’. Are xb’an pa kemon uchakuxik kumal ri rajeqa’lenelab’ le del Instituto Mexicano de Investigación Criminal (IMIC), xuquje’ rech le Instituto Centroamericano rech Estudios Legales xuquje’ Criminológicos, jeri’ kumal e’ajno’j eta’manelab’ rech Amaq’ Iximulew xuquje’  Puerto Rico ri’, ri xetijonik ri xkitzijob’ej ri chak kib’anom pa le tzukunem chi rij taq ri b’anoj k’ax ruk’ taq ri chajinem ri’.

Pa le q’ijol rech ri k’uttijonem ri’, xetzijob’ex rij taq ri ub’anikil ri q’alajisab’al uwach taq ri b’anow k’ax, ri k’amow ub’e chajin tinamit, ri k’ak’ taqanem chajin tinamit ruk’ ri ub’anikil ri k’ax b’anom chi ke ri winaqil rech keto’ik.

Ruk’ ri b’anow chakunem ri’, eri PNC kuya uchuq’ab’ ri chak keta’m kakib’ano ri rajchajinelab’ ri’ rech kab’an b’a’ ri utz taq tzukunem ri’, pa le ukojik ri chakub’al rech q’alajisab’al ri’, rech qas k’o b’a’ jun utzilaj kachomaxik ri winaq kab’anik ruk’ ri unimaxik ri ya’talil chi ke taq ri winaqil ri’.