Ri Fuerza de Tarea rech Tecun Uman, wokom uwach kumal reqa’lenel ri Subdirección General rech Análisis rech Información Antinarcótica (SGAIA) ri’ man xaq ta ri’ kakichap loq ri winaq keq’axik, xane’ are rech kakito’o’ ri winaqil che tajin keq’ax pa Iximulew ri’ ri man k’ot kiwujil ri’ rech keb’e pa Estados Unidos ri’, pa nimab’e ub’i’ Ruta CA-2, kilómetro 205 nimab’e kab’e pa tinamit Retalhuleu ri’ ri kab’e pa tinamit rech Coatepeque, Xe’laju ri’, chi’ k’u ri’ eri e ajchajil tinamit ri’, xkiriq wi ri winaqil haitianos xuquje’ kuk’ nik’aj chik.
Rumal ri’ xeriqitaj e 33 chi achijab’, 17 chi ixoqib’ xuquje’ 9 chi ak’alab’ ri’ ri maj kiwujil keqam rech kek’oji tane’ pa we qatinamit, ruma lri’ xkichomaj k’ut chi kuwach ri nik’aj chik wokajil e ilonem chi ke rech keq’axexik pa migración xuquje’ rech kekowonik ketzalij b’i pa katinamit ri’.
Eri q’ab’al tzij rech ajchajil tinamit xkib’ij loq che e k’o itzel winaq xaq xu’ kakesaj pwaq chi ke ri winaqil e ajq’axel ri’ rech te k’u ri’ kakiya’ kanoq katukel pa taq tinamit. Rumal wari’ xb’an jun nim sik’inem ub’ixik chi ke rech mejo’sax ri’ xuquje’ meb’e pa b’enam we maj kiwujil keqam ri’.