Eri ministro rech Gobernación, David Napoleón Barrientos, xub’ij che kakoj pa ik’ chik ri “Plan Operativo Táctico Integral 13-2022 ri’”, rumal k’ut e pa El Salvador ri’ xukoj pa jun ik’ chik, kataqixik kaq’atexik ri uwinaqilal ri pandillas che ri kakib’an ri k’ax pa taq le keb’ amaq’il nimatinamit ri’.
“Eri uj kujok che uya’ik uwi’ ri cholchajinem pa qatinamit ri’, rumal ri’ ketajin pa toq’inik q’atenik ri’ ri q’atb’al tzij e salvadoreñas, rech kaq’atexik nik’aj pandillas che ri tajin kakiwajo kib’ pa rulewal qatinamit aj iximulew ri’. Rumal ri’ e qachapom chik e 25 kawinaqil ri molaj e ajb’anol k’ax ri’, ri xch’ob’otaj kuwach ri’”, xcha’ ri Barrientos.
Jeri’ xkoj ri b’anoj ya’olchajinem tzukunik ri’, rech uterenb’exik ri ya’olchajinem ri’ rech keq’atexik ri maj kiwujil keqam loq keq’ax pa we qatinamit ri’ pa awalik cho taq k’ulb’a’t juyub’ pa amaq’.
“Kojtajin k’ut che ujipixik ri Plan rech Prevención pa Santa Rosa, pa Chiquimula, pa Puerto Barrios, pa Jutiapa xuquje’ pa frontera ruk’ Honduras ri’. Pa keb’ oxib’ q’ij ri’ kaqamol qib’ kuk’ ri q’atb’al tzij rech ri nimatinamit k’o apanoq rech kaqatzijol kaqachomaj kaq’atexik ri nik’aj pandillas ri’”, xcha’ ri nimpatanel rech ri ya’olchajinem pa qatinamit ri’.
Xuquje’ kaqaya’ utzijoxik ri’, che ri winaqil e salvadoreños e chapom chik xa’ xkanij loq kib’ pa awalik rech maj jun keril tane’ rech maj jun kachapoj kech ri’.