Eri Vice Ministro rech Seguridad, Gendri Reyes xub’ij che k’o jun wokaj taqawokajil ri ketajin che b’anoj ya’el utzijol chi ke ri winaqil e aj iximulew ri’ pa komonchak kuk’ taq ri ministerios rech uq’atexik ri jun k’ax yab’il COVID-19.
Eri taqawokajil che ri xetatb’enik ri’: are ri Ministerio rech Pwaqilem Meb’alil, rech Chakunem, rech Relaciones Exteriores, rech ri Ministerio rech ri Defensa, rech ri Wokajil Ajchajil Tinamit, xuquje’ ri ajchajinelab’ rech q’atb’altzij rech taq tinamit, are rech xkitunu uchomaxik ri’ rech uq’atexik ri Coronarivus pa we amaq’ ri’.
Eri Reyes xuya’ loq ub’ixik che e k’o 5 mil chi winaqil e chapom chik rumal xkinimaj ta ri Toque de Queda, qas pa taq le juyub’ tinamit rech Escuintla, chi la’ k’ut che ri qas xechapataj wi loq ri winaqil ri’ jeri’ pa taq nik’aj chik tinamit ri’.
Eri nab’e Viceministro xub’ij che katajin k’ut kachajixik e 108 chi ja k’olib’al kumal ri PNC, chi rij wari’ jacha’ ri kutaq ub’ixik ri Ministerio rech Salud, kaya’ kanoq kachajixik we jeri’ rajawaxik kanimaxik.
Rumal ri’ katajin uch’ob’ik uchomaxik kuk’ ri e ajkalte’ib’ xuquje’ kuk’ ri gobernaciones, rumal k’u ri’ e taqom qaraj e 30 wene’ 32 chi e ajchajil tinamit ri’, we jeri’ karaj ketaq b’ik ri’, xuquje’ pa komonchak katajin wa’ ub’anik kuk’ ri rajchajinel q’atb’altzij rech taq tinamit kuk’ rajchajinel ri tránsito rech taq konojel ri tinamit ri’ rech kechakun pa komonchak ri’ rech pa unimaxik ri kutaq ub’anik ri k’amal b’e amaq’ ri’.