Eri q’atb’al tzij rech ri Ministerio rech Gobernación (Mingob) xuquje’ rech ri Wokajil Ajchajil Tinamit ub’i’ (PNC) xkimol kib’ rech pa amaq’el kakib’an ri ya’olchajinem ucholalejil pa tinamit Iximulew. Eri b’anonem ri’ xb’an chi la’ pa 26 rech octubre pa le nimaja rech ri Dirección General rech ri PNC, zona 1 rech uk’u’x nimatinamit.
Eri Ministro rech Gobernación, le tat nimpatanel Byron Bor Illescas, xuk’am ub’e’al ri riqb’al ib’ xuquje’ xuya ub’ixik ri kichak ri e ajchajil tinamit ri’ ketajin che b’anoj utzilem chajinik chi ke ri winaqil ri’. Xuquje’ ub’ixik che are la’ xb’antajik ruk’ unimaxik ri ch’ojilal ya’talil chi ke ri winaqib’ xuquje’ pa usaqilal pa tinamit ri’.
Pa le ub’ixik ri’ eri Ministro sib’alaj xub’ij che are la’ k’o nim upatanib’al kaya uchuq’ab’ ri b’anoj chajinem ri puqchajinem kumal ri wokaj ajchajil tinamit rech kaq’atatajik ri b’anoj taq k’ax ri’ jeri’ pa ronojel rulewal qatinamit.
Eri tijowchuq’ab’ ri’ are kuk’ut ri nimachak tajin rumal ri K’amal B’e Iximulew pa le Taqawokajnem Ya’ojinik pa Amaq’il rech kaq’atexik ri nuk’wokaj b’anoj k’ax, ri narcotráfico xuquje’ ri k’ax kab’an pa taq tinamit pa uwachulew ri’. xuquje’ eri b’anonem chajinem tob’anik chi ke ri winaq ri’ rech pa kub’al k’u’x kek’oji pa tinamit.