Eri reqa’lenelab’ ri Wokaj Ajchajin Tinamit (PNC) k’o nimalaj chajinem xub’an pa taq tinamit che ri qas ke’opan wi winaqilal xuquje’ pa taq kib’inib’alil ri winaqilal rech kechajixik rech kachajix kijastaq meb’il ri qawinaqil kuk’ ri winaqil naj kapetik pa nimaq’ij rech k’isb’al junab’ ri’.
Eri chajinem ri’ are la’ katajin pa amaq’el kumal ri wokajil ajchajin tinamit chi rij taq pwaqb’al ja k’olme’r, pa nim rachoch taq k’ayib’al, pa taq k’ayib’al, pa taq uxlanb’alil, chi uchi’ cho, paloj rech uxlanb’alil pa tinamit. Xuquje’ k’o xwa’katex wi ub’anik ri chajinem, chi rij taq kejach’ich’ xuquje’ pa wa’kateb’al che kaqan rech uq’atexik taq e’ajb’anol k’ax ri’.
Eri wokajil ajchajil tinamit xuquje’ k’o uk’olib’al chajinem xkikojo xuquje’ xechajin pa taq ch’ich’ pa uxo’l nimab’e pa tinamit xuquje’ pa taq nimab’e rech xkilo we e k’ot winaq taqom loq kcihapik ri’, rech uq’atexik awan jastaq kunb’alil xuquje’ rech xkilo we xkinimaj tzij ri e’ajb’inisal ch’ich’ ri’. Pa taq ri soliem ri’ xkisolij kiwuj ri winaqib’, xkiloq we man k’ot kitijim tzam ri’, xuquje’ xkisolij upam taq le ch’ich’ keb’inisaxik.
Ri Cholchak Belén
Eri korlim b’anoj chajimem ri’ are la’ uwach ri Plan Belén, ri xtaq ub’anik rumal le Wokom K’amal B’e Amaq’ Iximulew pa le uchakunik le Ministerio rech Gobernación (Mingob), rech xkub’isax kachajixik ri winaqil pa k’isb’al junab’ ri’. Eri b’anoj chajinem ri’ are la’ kak’is ub’anik k’a pa le job’ q’ij rech le ik’ enero rech 2024 pa rulewal taq tinamit.