Xchomataj k’ut rech keto’ ri cholpatan ilonem chi ke ri ixoqib’ pa Villa Nueva, ruma ri’ eri tercer viceministro rech Q’atenik B’anoj K’ax, Ronald Portillo, xopan pa jun solinem pa le Metrópoli Mujer, pa San Miguelito, zona 5 rech pa tinamit ri’. Are wa’ ri k’isb’al chi ke ri Centros rech Apoyo Integral kech Mujeres Sobrevivientes Kiriqom k’ax ri’ (CAIMUS) ri’.
“Eri yab’al chuq’ab’il chi ke ri wokajchakub’al ri’ are k’o nim upatanib’al chi ke ri q’atb’al tzij rech ri Ministerio rech Gobernación jeri’ chike ri taqanelab’ ri PNC, rech kakib’an ilonem chomanik chi ke ri ak’alab’ xuquje’ ixoqib’ che ri kiriqom k’ax pa kachoch kumal kalaxik ri’”, xcha’ ri Portillo.
Xuquje’ xek’oji pa le kopanik ri q’atb’al tzij rech ri tinamit Villa Nueva ri’ kuk’ ri Alas rech Mariposa ri’.
Pa ta ri nimaja k’olib’al ri’, kaya’ wi tob’anik chi ke ri ixoqib’ ruk’ taq na’ojilal ri’ xuquje’ kumal na’ojilanel rech suk’umalil; chi ke ri ak’alab’ xuquje’ e q’apojil ri’ xuquje’ pa uterne’xik ri tzukno’jchak chi rij ri b’anom k’ax chi ke ri’.
Eri tercer viceministro tajin kutaqij kachb’ilaxik, kina’ojaxik xuquje’ rech katerenb’exik ri tzob’ajil kech ixoqib’ e ajno’jchakunem kechakun pa le CAIMUS ri’.