Eri ministro rech Gobernación, Francisco Jiménez, ruk’ ri viceministros xuya keqale’n ri k’ak’ rajk’amo ub’e ri Wokajil Ajchajil Tinamit (PNC), ri xkijuch’ ri chomanem rech “q’atenik q’ub’an elaq’nik pa taqawokajil”.

Pa le b’anonem xb’an pa le Salón Mayor rech ri Ministerio rech Gobernacikón, Jiménez xub’ij chi k’o nim upatanib’al ri ya’ik keqale’n ri ajtaqanelab’ rech ri PNC, ri jikom uwach ri kichak ri man tz’ilom ta kuwach ri’.

Are chi’ xek’ututaj ri k’ak’ rajk’amol ub’e ri wokajil chajin tinamit, eri Ministro Jimenez sib’alaj xub’an ub’ixik ri nim upatanib’al ri unimaxik ri taqon tzij xuquje’ ri unimaxik ri ch’ojilal ya’tal winaqib’ ri’. rumal k’ut dhi jujunal ri e ajk’amol b’e ri’ kuk’ ri e ukab’ taq, ri rajtaqanel ri comisarías xuquje’ ri rech distrito ri’ xkijuch’ ri chomab’al rech man k’ot kuyub’al mak che ri b’anoj taq elaq’nik pa taqawokajilal xuquje’ rech uq’atexik, are la’ jun chi ke ri runimal tzij kita’om ri wianqilal ri’.

“Are wa’ kuq’alajisaj rilik ri pwaq tojb’al chak ya’om chi ke ri subdirectores rech taq chakuja rech ya’olchajinem q’atenik ri’. Qeta’m k’ut chi k’o k’ax xk’ulmataj pa le ya’olchajinem, rumal wari’ kaqakub’isaj uto’ik ri b’anoj runimal ri chajinem ri’ rech pa amaq’el k’o ri ucholalejil ri taqanem pa tinamit” xcha’ ri Jiménez che ri k’ak’ wokajil taqanel chajin tinamit.

Rumal ri’ eri viceministra rech Seguridad, al Claudia Palencia, xub’ij che tajin uchakuxik pa kemon ruk’ ri PNC rech kanimaxik ri b’anoj cholchajinem ruk’ ri k’ak’ k’amol taq ub’e ri wokajil chajin tinamit. “Are b’a qas kaqak’am uq’ab’il unimaxik ri ch’ojilal ya’talil chi ke winaqib’ xuquje’ rech ya’ik uchuq’ab’ ri chajinem winaqil ri’”, xcha’.

K’ak’ rajk’amol ub’e ri PNC

Eri k’ak’ k’amol b’e wokaj chajin tinamit wokom uwach kumal ri Director General, David Custodio Boteo ri’; ri Subdirector General Adjunto, Helver Beltetón ri’; ri Subdirector General rech Apoyo xuquje’ Logística, Erlin Godínez Navarro ri’; ri Subdirector General rech Tecnología rech ri Información xuquje’ Comunicación, Wilson Pineda ri’; ri Subdirector General de Operaciones, Esvin Quiché; Subdirector General rech  investigación Criminal, Edis Fabián ri’; ri Subdirector General rech Análisis rech Información Antinarcótica, Wuilber Arreaga ri’; ri Subdirector General rech Estudios xuquje’ Doctrina, Abel Juárez ri’; ri Subdirector General rech Prevención rech ri Delito, Pablo Ismalej ri’; Subdirector General kech Ajchakib’, Néstor Diéguez ri’, xuquje’ ri Subdirector General rech  Salud Policial, Jorge Mario Cifuentes ri’.