Pa saqarib’al kamik k’o jun nim chomab’al tzijolinem q’axel Tzij xb’an pa rachoch ri Ministerio Público, chi’ xya wi ub’ixik ucholajil ri Cholchak rech Runimal Chajinem, kab’an pa le Uq’ijol kcha’ik K’ak’ K’amal b’e Amaq’ 2023. Chi’ k’ut xk’oji wi ri Primer Viceministro rech ri Ministerio rech Gobernaci´pon (Mingob), ri K’amal b’e Wokaj Ajchajil Tinamit (PNC) xuquje’ ri Ministro rech ri Defensa Nacional. Eri riqb’al ib’ are xk’am ub’e rumal ri Fiscal General Taqanel rech ri MP.
Pa le uq’ijol ri xk’ulmam chik pa taq le juyub’ tinamit, ri xk’ulmataj pa le uq’ijol cha’onem b’anom kanoq, pa taq ri rulewal tinamit che ri qas b’anom wi ucha’ojil ri’: pa Iztapa, Escuintla; pa Tajumulco xuquje’ pa Esquipulas Palo Gordo, San Marcos; pa San Antonio Ilotenango, Quiché xuquje’ pa San Jorge, Zacapa.
Rumal ri’ eri Viceministro rech Chajinem pa Amaq’ xub’ij che kab’an ri puqchajinem pa le uq’ijol ri cha’onem pa qatinamit, rech ketaq ri ajchajinelab’ winaqil ri’. Eri patanel ri’ xub’ij chik che tajin uya’ik uchuq’ab’ ri b’iw b’ixik kumal winaqil xuquje’ rech q’atenik ri b’anoj k’ax pa le uq’ijol ri cha’onem ri’.
Eri tzijob’enik ri’ are utaqim rech kub’an chi ke ri ajchajinelab’ rech kakikoj juntir ri kilom rilik pa le jun b’anoj k’ax kik’ulmam, rumal ri’ xetaq ri ajchajinelab’ rech xkitijoj kib’ ri reqa’lenel ri Fuerzas Especiales rech PNC xuquje’ rech xkich’ob’o xketa’maj ri sak’ajil q’atenik b’anoj k’ax chi ke ri gobernadores xuquje’ ri e ajkalte’ib’.
Rumal ri’ eir Fiscal General xub’ij, che sib’alaj utz kurilo kab’an ri q’atenik ri k’ax ri’ pa le ukojik ri cholchajinem, rech kataqixik ub’anik ri utzalaj chajinem pa komonchak rech kakub’isax uwach ri chajinem kub’sib’al k’u’x p pa uq’ijol cha’onem pa qatinamit ri’.