Eri Ministro rech Gobernación, Gendri Reyes, xtatab’enik pa le riqb’alil rech ri Consejo Nacional rech Administración rech Bienes k’o pa Extinción rech Dominio (CONABED) ri’, chi’ k’ut xuta wiri’ kajib’ chi jastaq xuquje’ ch’ich’ ri’, rech kaya’ kukoj ri Taqawokajnel rech ri Ya’olchajinem ri’.
Eri Reyes ri’ xub’ij che ri jastaq xuta ri’ are la’ kachokonsax pa taq kachoch e ajchajil tinamit, rech katerenb’exik ya’b’al uchuq’ab’ ri kichak ri Wokajil Ajchajil Tinamit (PNC), pa jalajoj taq tinamit pa we amaq’ ri’ xuquje’ eri ch’ich’ ri’ are kakoj pa taq le puqchajinem ri’.
«Eri jastaq ri’ are k’o pa taq le zonas 6; 10; 14 xuquje’ pa San José Pinula ri’, xb’itaj loq chaqe uj che kaya’ ri jastaq ri’ kecha’ ri uwinaqil ri Consejo ri’ xuquje’ are kojtajin che utoq’ixik uwach rech kaya’taj b’a’ loq ri jastaq ri’» xcha’.
Eri jun chik xchomax pa le riqb’alil ri’ are ri’ ujachik ri pwaqil kab’anik che ri esam loq riqom loq, are ri’ kopan pa Q121 millones chi pwaqilem, k’o Q30 millones chi pwaqil kaya’ chi re ri Ministerio rech Gobernación ri’.
