Eri reqa’lenel ri División especializada rech investigación criminal (DEIC) ri’ rech ri Wokajil Ajchajil Tinamit (PNC), pa enero pa junio ri’ xkichap loq 1 mil 080 chi winaqil rumal jalajoj kimak xkib’an ri’ pa uk’u’x nimatinamit ri’.
Eri DEIC xkib’ij, eri b’anoj k’ax qas xb’antaj ri’ are la’: ch’ayon ixoqib’ (237) ri’, chapom ixoqib’ (153) ri’, kamisan winaq (129) ri’, elaq’an jastaqil (101), toq’inik pwaq (68) ri’, eqan k’aqb’al maj uwujil xuquje’ k’ayin k’aqb’al (67) ri’, choman b’anoj k’ax (45) ri’, ch’ijom k’ax chi ke winaq (41) ri’, k’ayin awan kunb’al (38) ri’, maj unimaxik q’atb’al tzij (36) ri’, keleq’axik winaq (20) ri’, b’anoj mak (18), poq’isan pwaq maj pa usaqil (17) ri’ xuquje’ ch’ayon ak’alab’ (17) ri.
Jeri’, maj unimaxik utzij q’atb’al tzij (16) ri’, b’anoj mak kumal e ajpatanel xuquje’ e ajchak (13) ri’, esal ib’ (13) ri’, maj b’anoj utzilem chi re upwaqil ujastaq xuquje’ rulewal tinamit (12) ri’, ch’ayonik (11) ri’, releq’axik ch’aweb’alil (9) ri’, kq’axexik b’i winaq (8) ri’, maj tojb’al q’atoj pwaq chi rij jastaq k’ayib’al (4) ri’, makunem chi re Amaq’il (3) ri’, kiyutik winaq rech kab’an k’ax chi ke (2) ri’.
Chi rij taq choman b’anoj k’ax xechap ri’ (2), b’anoj jo’snik elaq’ pa tinamit (2) ri’, makunem pa chak patan (1) ri’, wajom ib’ (1) ri’, pa konojel e k’o 1 084 chi winaq e chapom ri’.
Jeri’, eri xechapatajik e k’o (827) ri’, xeriqitaj pa b’anoj k’ax e k’o (182) ri’, ri e k’o pache’ xkib’an nik’aj chik kimak (54) ri’ xuquje’ eri ak’alab’ xechapik e k’o (21) ri’.
Are wa’ ya’tal ri’ rech chinaq kakaj kakib’ij loq pa le 110 rech PNC xuquje’ pa le 1574.