Pa le q’ij rech 28 rech febrero xb’an jun riqon ib’ ri xk’am ub’e ub’anik rumal ri Viceministra rech Seguridad, Claudia Palencia ruk’ ri Embajador rech Brasil pa Iximulew, Henrique Sardinha xuquje’ kuk’ rajk’amol ub’e ri Policía Militar rech São Paulo rech Brasil. Eri riqon ib’, are xb’an chi rij utzijiob’exik ri chak b’anom chik xuquje’ rech ya’ik uchuq’ab’ ri b’anon ub’eyal ri reta’mab’alil ri Policía Comunitaria ri’.
Eri Viceministra Palencia sib’alaj xub’ij che eqele’n chak ri’ rumal ri K’amal B’e Iximuilew pa reqele’n ri Taqawokajnel rech Ya’olchajinem pa Amaq’, rech kab’an ub’eyal katoq’ixik ri winaqilal pa taq ri b’anonem rech q’alan ib’ rech maj b’anoj k’ax, jeri’ rech kanimirsax uwach ri kub’alem chi kuwach ri winaqilal kuk’ ri wokaj chajin tinamit.
Eri riqb’al ib’ are jun k’utub’al rech ri tajin uchakuxik pa le ya’ik uchuq’ab’ ri kemon tob’anik kumal taq nimatinamit pa le upatanexik ri cholchak rech q’atenik molaj b’anol k’ax xuquje’ rech jun b’anoj kemon chakunem kumal ri e ajchajin tinamit xuquje’ ri winaqilal, rech pa juntir are kakib’an ri utzil chi ke taq ri winaqil pa tinamit.
Pa le wuqq’ij ri’ xya ub’ixik kab’an ri Seminario Internacional rech Policía Comunitaria, rech kek’eoji ri ajchajinelab’ rech iximulew, Japón, Colombia, Brasil, Honduras, República Dominicana, México, Panamá xuquje’ rech Estados Unidos rech América. Eri b’anoj riqon ib’ are upatan xub’ano rech xtzijob’exik ri k’aslemam chik uchakuxijk pa taq ri nimatinamit ri Proyecto rech Policía Comunitaria, Fase II. Xuquje’ rech kab’anik ri kemon chakunik rech b’anol kub’alil ri chajinem winaqilal.