Pa ronojel k’o 522 chi utz ub’aq’ k’aqb’al xriqitaj uloq, pa le nab’e q’ij rech enero pa le 25 rech febrero ri’.
Eri wokaj e ajchinel ri’ kawokom kuwach ri Subdirección General rech Investigación Criminal (SGIC), ri subestaciones xuquje’ ri Departamento rech Investigación xuquje’ rech Kutanab’a uwach Poq’sab’al K’aqb’al (Didae), kiriqom chik 524 chi k’aqb’alil xuquje’ 522 ub’aq’ k’aqb’al pa le nab’e q’ij rech enero k’a pa le 25 rech febrero rech pa junab’ ri’.
K’o 441 chi k’aqb’alil xriqitaj uloq kumal reqa’lenel ri SGIC xuquje’ kumal ri subestaciones rech chajin tinamit pa rulewal amaq’il, K’o 83 are xk’oji pa kaq’ab’ rajno’jchakunel ri Didae. K’o 522 chi ub’aq’ k’aqb’alil xuquje’ k’o 524 xk’oji pa kaq’ab’ e ajb’anol k’ax, xriqitaj uloq.
Eri ya’olchajinem kumal ri e ajchajin tinamit are kitaqim uq’atexik b’anoj k’ax ruk’ wari’ rech maj jun kub’an tane’ k’ax chi kech ri winaqilal. Rumal ri’ eri reqa’lenel ri Didae kiriqom chik uloq waqib’ k’aqb’alil ri xkitulisaj uwach, are ri’ xriqitaj uloq kumal ri winaqilal pa peraj taq juyub’ pa taq tinamit. Rech kachupisax uwach pa juntir ri’ are rumal k’o nim upatanib’al ri b’iw b’ixik uloq kumal ri winaqilal, xecha’ ri q’atb’al tziij.
Q’alib’em ib’
Are wa’ xb’ixik kanimax ub’anik ri’ rumal ri xub’ij ri DIDAE rech kaq’atexik ri’:
· xa’ le winaq kakilo jastaq rilik k’aqb’al ma kichapo, kejat naj chi rech xuquje’ chakiya ub’ixik pa kaq’ab’ ri q’atb’al tzij.
· Jachin kuriq jun jastaq wene’ mochil che le ilom taj wi uwach, rajwaxik kub’an le kub’ij le nab’e q’alab’em.
· Xaq maya’o kanoq k’aqb’al pa le ach’ich’, xuquje’ wexa’ kak’ayij, pa aninaqil chatoq’ij uq’axexik ri uwujilal ri’.
Pa le uwachwuj rumal le Dirección General rech Control rech Armas xuquje’ Municiones (Digecam), kaya wi ub’ixik juntir nimab’al wujil kacholajisaj wexa’ kak’ayij jun k’aqb’al, are wari’ le q’alan ib’ chi rij:
· Maqataij le winaq chi kaqb’al we nojinaq upam xuquje’ chawesaj juntir le upam we man kakoj taj.
· Maya kanoq chi kinaqaj ri e ak’alab’.
· Xaq me’ak’aqo jastaq che kechikinik.
· Xuquje’ mawetaj kakamisaxik le winaq xuquje’ xaq mate’etz’en ruk’ ri k’aqb’al.