Are wa’ uwach ri ya’ltzijolil ub’i’ “Siempre Alertas, Todas tenemos poder”, eri reqa’lenel ri Subdirección General rech Estudios xuquje’ Doctrina (SGED) ri’ rech ri Wokajil Ajchajil Tinamit (PNC), xkib’an jun k’uttijonem ri’ chi rij kakito’o kib’ jun chi ixoqib’, pa le Plaza México ri’ k’o pa le Avenida Las Américas, zona 13 capitalina ri’.
“Eri tijonem ri’ are la’ xb’antajik rech taqim yab’al kichaq’ab’ ri ixoqib’ rech kakito’o’ kib’ wexa’ kab’an tane’ k’ax chi ke pa kachoch xuquje’ pa katinamit, jeri’ xb’ix chi ke rech chakib’ij b’a’ loq, rech kakib’ij loq pa taq le rajilab’al ch’aweb’al pa aninaqil ri’” xcha’ ri ri Ronald Portillo, tercer viceministro rech Q’atel k’ax ri’.
Eri ajpatanel ri’ xub’ij, “Eri ub’ixik loq kumal ri winaqilal are la’ k’o nim upatanib’al chi ke ri q’atb’al tzij, rech pa aninaqil k’ut sib’alaj ketob’anik chi ke ri ixoqib’ kab’an k’ax chi ke ri’, jeri’ rech kach’ob’otaj uwach jachin kub’an ri k’ax chi ke rech kaq’atexik”.
Pa le tijonem ri’, eri reqa’lenel ri Subdirección General rech Prevención del Delito ri’ (SGPD) rech ri wokajil ajchajil tinamit pa komonchak ruk’ ri Unidad rech ri Prevención Comunitaria rech ri K’ax (UPCV), ri xkib’an ri k’i retz’eb’exik uk’am tijonem ri’, ruk’ b’anoj nik’aj chik etz’eb’enik xuquje’ kunan taq achib’al ri’. xuquje’ xkoj jun uk’olib’al ya’oltzijolil chi rij upatanib’al ri ub’ixik loq kumal ri winaqilal.