Eri Wokajil Ajchajin Tinamit (PNC) kaya’taj uchuq’ab’ kumal kakojik e 162 chi reqa’lenelab’ ri Comando rech Operaciones Antinarcóticas ri ub’i’ (COAN) kuk’ e 16 chi juk’ulaj caninos ri ke’ok pa le Binomios K-9. Eri kichak k’o nim upatan rech kuya uchuq’ab’ ri puqtzukujnem chajinik, rech kab’an utzukuxik awan jastaq rech uq’atexik taq ri b’anow k’ax xuquje’ ri k’ax kab’an pa taq amaq’ib’ kab’an chi’ pa Iximulew.
Eri jujun taq ajchajin tinamit xkitz’aqatisaj ub’anik ri tijob’en ib’ ruk’ suk’ilal, ronojel kanima’, reqale’xik chak chajienm pa tinamit. Eri utzilaj taq tzijoninem xya’taj kumal ri e’ajtijonelab’ rech ri Subdirección General rech Análisis rech Información Antinarcótica (SGAIA) rech ri PNC, pa le Tijob’al ub’i’ Escuela Centroamericana rech Entrenamiento Canino (ECEC), pa Barberena, Santa Rosa ri’.
Le ministro rech Gobernación, Marco Antonio Villeda, are xnab’eyaj che ub’anik ri nimaq’ij rech xya’taj kiwujilal ri xk’is katijoxik, pa le sib’alaj xub’ij wi chi k’o nim upatanib’al rech kek’oji ri k’ak’ taq ajchajinelab’ ri sib’alaj xkitijoj kib’, rech kek’oji pa taq le nim puqtzukunem chajinik, rech kakeche’j ukojiki ri k’ak’ kemechakub’al no’jb’anem xuquje’ rech b’a’ qas kakiq’atij ri nik’aj molaj b’anol k’ax pa amaq’ tinamit. “Eri nim tijoninem ri’ are sib’alaj kutoq’ij che qastzij b’a’ kab’an utz taq uch’ob’ik, ri suk’ilal tzijrech kanimaxik ri ulab’al tzij, xuquje’ rech pa saqilal kach’ob’ utanab’ik ri kub’ij ri taqanem tzij”.
“Eri xk’is katijoxik ri’ pawe q’ij kimik kaya ri kiwujilal ri’ rech kaya’taj chi ke kakinimaj ub’anik ri k’ax taq uq’atexik k’ax ri’, xuquje’ ri kub’al k’u’x ri rajawaxik kakich’ak pa jujun taq ub’anik puqtzukunem kakib’ano, ruk’ suk’ilal, chi rij ronojel jastaq, ruk’ suk’ ub’anik. Na’til chiwe we utz taj ri kichomaj kib’ano kiya pa k’ax ri puqtzukunem, le tzukunem xuquje’ ri kub’al kik’u’x chi re ri wokajil ri’”, xcha’ ri Taqawokajnel rech ri Ya’olchajinem pa Amaq’.
Utzilaj katijoxik ri’
Eri viceministro rech Antinarcóticos, Víctor Cruz Reynoso, xub’ij che ri jujun puq e’ajtijoxel rech chajin tinamit ri Xk’is katijoxik pa le ECEC, are uwach taq ri chak tajin rumal ri Amaq’ rech le katijoxik chi rij ri eta’mab’al, ri suk’ilal xuquje’ ri b’anow utzilal ri’. “Eri Amaq’ Iximulew ri’ man xaq ta ri’ ke’ukojo ri k’ak’ taq e’ajnawenel chajin tinamit. Pawe q’ij kimik kuya uchuq’ab’ ri b’anow kachajixik ri winaqilal, ri uchajixik ri k’ullb’a’til xuquje’ ri katob’ax uwach ri b’anow chajinem pa ronojel ri rulewal ri’”, xcha’.
Xub’ij chik eri kub’al kik’u’x ri winaqilal chi ke ri wokajil chajin tinamit ri kub’an uwach ri ajeqa’lenem no’jchak, pa utzilal ronojel ruk’ nojel anima’ xuquje’ ri kakiya kanima’ che unimaxik pa amaq’el ri are la’ kuya pa retal unimaxik ri b’anow taq puqtzukunem chajinik. “Misach chiwe che k’o pa iweqale’n ri iwachalal pa iwochoch ri kixkeye’ej rech kakaj kakil chik iwach xuquje’ e k’o k’ilaj taq winaq kixkeye’x kinimaj ix ub’anik uchajixik ri amaq’ tinamit pa kub’al k’u’x”.
Uq’ijol ri tijoninem ri’
Pa oxib’ ik’, eri e’ajsak’ajil ajchajin tinamit rech ri juk’al wajxaqib’ jupuq e’ajtijoxel pa el Retal Tijonem rech COAN, xkitijoj kib’ pa tijonem ri’ rech sib’alaj kakib’an puqtzukunem cho taq ri jab’, pa taq juyub’ tinamit, pa tinamit, ri kexikinaj pa puqtzukunem, rech kakiriq ukojik ri drones xuquje’ rech kena’w che ub’anik puqtzukunik ri’.
Eri juk’ulaj ajchinel K-9 rech ri uwaq puqil xkitijoj kib’ pa le retal Tijonem Nik’ajil rech Sak’ajil Chajin Tinamit rech Guía Canino xkik’am jun katijoxik chi rij uriqik awan jastaq, rech uriqik taq winaq e sachinaq xuquje’ rech keta’m ke’opan che tzukunem chajinik. Xuquje’ rech ya’ik uchuq’ab’ chi ke ri e juk’ulaj caninos rech keb’e pa taq puqtzukunem pa wokajil ri’.