Eri Ajk’amal kib’e ri kajib’ tinamit xetatab’enik pa jun riqonem ib’ rech ya’ik uchuq’ab’ ri kemonchak pa taqawokajilal pa b’anow chajinem, pa uq’atexik ri k’ax xuquje’ pa wa’ljisan kiwach ri winaqilal. Eri riqon ib’ ri’ are la’ xk’am ub’e ub’anik kumal taq ri q’atb’al tzij rech ri Ministerio rech Gobernación (Mingob) xuquje’ rech ri Wokajil Ajchajin Tinamit (PNC), pa ub’anik taq ri kemonchak rech kachomax ri runimal taq rajawaxik chi ke ri winaqilal pa tinamit.

Pa le q’ijol, eri q’atb’al tzij xkib’an uch’ob’ik runimal taq ri nimachak pa taq kajib’ tinamit, ruk’ ya’ik uchuq’ab’ ri b’anow q’atexik k’ax, rech b’anik utz che ri chak pa taqawokajil xuquje’ ri kemonchak kumal ri taqawokajil pa Amaq’ ri’. Eri riqonem ib’ are xuk’ub’a’ ub’anik kemonchak rech b’anik ri ya’olchajinem winaqilal.

Eri riqonem ib’ ri’ are xk’am ub’e ub’anik rumal le ministro rech Gobernación, Marco Antonio Villeda, ri sib’alaj xub’ij chi k’o nim upatanib’al ri ya’ik uchuq’ab’ ri wokajil kech taq ri gobernaciones rech taq tinamit xuquje’ kaya uchuq’ab’ ri ya’ltzijolinem pa amaq’el ri kub’an utz b’anow toq’ob’ chi ke ri tinamit.

K’ak’ chob’ol chak ri’

Eri nim patanel xujach ub’ixik uwach ri jun cholq’axchak rech ilonem terne’xik, jun b’anob’al q’ateb’al rech uq’atexik taq ri b’anow k’ax xuquje’ rech ya’ik uchuq’ab’ ri chajinem winaqilal. Xub’ij che ri cholchak ri’ kub’an utoq’axik kiwach ri wokajil chajin tinamit pa aninaqil pa terne’m ilonb’al pa amaq’el ri’, ri kemonchak pa taqawokajilal xuquje’ ri uq’atexik taq ri b’anow k’ax pa taq ri wokja che ri qas kab’an wi ri k’ax.

Pa le ilob’anem ri’ xuquje’ xetatab’enik le viceministra rech Prevención rech ri K’ax kuk’ ri ajb’anol ri k’ax, Mayda de León ri’; ri gobernadores rech taq tinamit rech Chuwimeq’ina’, Pablo Yax ri’; rech Xe’laju’, Bibiana Ramírez ri’; rech Suchitepéquez, Victoria Moraga ri’; xuquje’ rech Tz’oloja’, Édgar Benjamín ri’. Jeri’, xetatab’enik ri k’amal b’e rech ri Wokajil Ajchajin Tinamit, David Custodio Boteo ri’, xuquje’ ri q’atb’al tzij rech ri wokajil chajin tinamit.