Pa le uq’ijol ub’anob’alil ri UJUK’AL UROX Feria Internacional rech ri Libro pa Iximulew (FILGUA) xb’an pa viernes ri’ 17 rech julio le tzijob’enem ub’ui’ Seguridad democrática: pa le ukowonib’al le tzijob’enem, k’amb’al tatab’enem xuquje’ ya’el kichuq’ab’ winaqilab’”, are jun jamalib’al ri tzijob’elil kumal ri e’ajtzijolinel chi rij ub’ixik ri ya’el uchuq’ab’ ri tik’ib’am taqaninem xuquje’ ri utob’ik uwach ri ya’talil chi ke ri winaqilal pa le kitatab’enik xuquje’ pa le riqonem ib’ chomanik kuk’ ri winaqilal.

Le ministro rech Gobernación, Marco Antonio Villeda ri’, ri xtatab’enik pawe jun tzijob’enem ri’, sib’alaj xub’ij che ri b’anob’alil taqom ub’anik rumal ri k’amal b’e amaq’ Iximulew rech xkub’isaj ub’anik ri chajinem pa kiwi winaqila pa amaq’ tinamit. “Eri q’atb’al tzij ri Amaq’ ri’ man kuk’am ta uchuq’ab’ we man e k’ot ri e’ajlonel rech, xane’ are chi’ eri taqawokajil utz kechakunik ri’, pa kemonchak kakib’an utaqik rilik wari’ pa saqil”, xcha’.

Xuquje’ eri Taqawokajnel rech ri Ya’olchajinem pa Amaq’ sib’alaj xub’ij che k’o nim upatanib’al rech kaya’ik uchuq’ab’ pa amaq’el ri chakunem pa wokajilal rech uq’atexik ri k’ax, rech utoq’axik ri chajinem winaqilal xuquje’ ri uq’atexik ri b’anow k’ax kamisanem. Xuquje’ sib’alaj xub’ij che ri k’amq’ab’ tzij kuk’ ri winaqilal ri’ are la’ k’o nim upatanib’al rech kapaqab’isax uchuq’ab’ kub’al kik’u’x ri winaqilal kuk’ ri wokajil ajchajin tinamit.

Eri rilonem ri taqawokajil ri’ are la’ qas chi rij ri wokib’al uwach ri jun wokaj winaqilal ri kub’al k’u’x kilik pa le ub’anik taq ri chakunem rech uq’atexik taq ri b’anow k’ax kamisanem xuquje’ rech ub’anik utz ri wa’lijsan kiwach ri kitatab’enik ri winaqilal pa taq ri b’anow uq’atexik taq ri k’ax. Jeri’, rech pa utoq’ixik ri kemonchak rech pa b’anik utzilem chi ke ri winaqilal pa rulewal ri tinamit.