Eri viceministra rech Tecnología rech ri Información xuquje’ ri Comunicaciones ri’, Karen Ortiz, xemolin pa jun riqonem ri’ rech chak kuk’ reqa’lenelab’ ri Wokajil Ajchajin Tinamit (PNC), pa uterne’xik ri b’anow uk’exik uwachib’al ri’ xuquje’ rech ya’ik uchuq’ab’ le Wokajil rech Tzijol ib’ rech Actividad Policial ri’ (RAP), are jun chakub’al rech no’jb’anem ri kutoq’ij ri umolik, ri ub’anik xuquje’ ri usolwachenik ri tzijol chajin tinamit rech kaya ri ub’ixikil ri chak b’anom pa le jachib’al ub’ixikil chi ke ri winaqil pa tinamit. Eri chomanem riqon ib’ xb’an pa 17 rech julio ri’ pa le Nimaja rech ri Taqawokajnem rech ri Ya’olchajinem pa Amaq’.
Pa le q’ijol ri’, eri q’atb’al tzij xkib’an uchomaxik rech ri ya’ik pa uq’ijol kimik ri wujilal rech b’anob’al chajinem ri’, ri usolixik ri Ulanem pa le B’anikil RAP, ri jachik uwach ri k’ak’ utz ub’anikil xuquje’ ri ya’ik pa uq’ijol rech ri b’anik pa uq’ijol ri keme’uwachwuj rech no’jb’anem. Xuquje’ xb’an uch’ob’ik ri retalib’alil xuquje’ ri ub’anob’alil pa amaq’ tinamit, ruk’ utaqixik rech ya’ik uchuq’ab’ ri b’anow taq chomanem rech ri ukojik ri sak’ajil no’jib’al kitzijol ajchajin tinamit, rech ukub’isaxik ri ub’anik ri jun taqanem tzij ri sib’alaj utz, ri utaqixik ub’anob’alil ri chajinem winaqilal.
Le viceministra Ortiz sib’alaj xub’ij che ri chakum chik pa le keme’uwachwuj rech no’jb’anem rech ri wokaj puqtzukunem rech ri PNC xuquje’ are sib’alaj xub’ij chi k’o nim upatanib’al rech katerne’xik uk’exik uwach ta ri keme’uwachwuj pa kaqiq’ pa le wokajil chajin tinamit. Xuquje’ xub’ij che ri b’anikil rech kakoj ri rachoch taq chajinem pa tinamit are kub’an ri’ rech kab’antaj ri uterne’xik ri chajinem pa uq’ijol ri’, rech kaya utzij rilik ub’anik ri rajilab’al tzijolil ri’, rech kab’an ujachik ri ub’ixik chak ri’ rech kasolwachixik xuquje’ rech kaya uchuq’ab’ ri b’anow taq chomanem pa le b’anik uq’atexik taq ri b’anow k’ax ri’.
Eri b’anob’alil ri’ are la’ kuq’alajisaj ub’anik ri reqale’nik chak rumal ri Taqawokajnem ri’ rech kuterne’j uya’ik uchuq’ab’ ri uchak ri kemeno’jb’anem rech ri wokajil chajin tinamit pa le uk’ak’arisaxik uwach, ri jalib’al uwach ri keme’uwachwuj pa kaqiq’ xuquje’ ri ukojik ri chakub’alil rech sak’alajil rilob’al taq tzijol ri’. Ruk’ wari’, are taqim utoq’ixik ub’anik ri puqtzukunem, ri ub’anik utzilaj b’anow chomanik, xuquje’ rech uto’ik uwach uya’ik uchuq’ab’ ri b’anow chajiinem winaqilal ri’.