Pa le Ukab’ nim riqb’al ib’ kumal ri q’atb’altzij e rajawtzij chi rij Na’ojilinem Taqanem pa taq Japache’ che ri katajin k’ut pa le oxib’ xuquje’ pa le kajib’ q’ij rech febrero pa Santo Domingo, República Dominicana, chi’ k’u ri’ eri b’enaq pa ub’i’ ri Iximulew are karaqataj chi’ ri Ministro rech Gobernación Edgar Godoy xuquje’ ri K’aml b’e rech ri Wokajil Japache’ Tz’apib’al ri’ Jorge Flores, chi’ k’u ri’ xujach wi utzij che ri k’amal b’e karaqataj chi la’ apan che ri k’o pa ub’i’ ri amaq’ ri’.
Pa le uterenb’exik uwach ri urox riqb’al ib’ ri’ rumal ri Asamblea General pa le ka’winaq uwach junab’ chik k’o pa le nima riqb’al ib’ ri’.
Chi’ k’u ri’ eri 27 molaj chomanelab’ rech taq amaq’il e k’o pa le Organización rech ri Estados Americanos xetzijon chi rij ri’: Uwokik uwach, Uchakuxik xuquje’ Retaxik ri na’ojil rech ri b’anoj taqanem pa taq le rulewal ri’.
Eri utzij xuya’ pa le b’anoj okem chomanem ri’ rumal ri’ ri Ministro rech Relaciones Exteriores rech ri República Dominicana, Miguel Vargas Maldonado, jeri’ ri Secretario General rech ri Organización rech ri Estados Americanos, Luis Almagro xuquje’ ri Procurador General rech ri República Dominicana, Jean Rodríguez ri’.
Eri molajil chomanelab’ rech ri 27 nimatinamit amaq’ ri’ are ketajin che rilik reta’maxik uwach ri Ch’ob’otal chak rech Humanización rech ri Sistema Penitenciario rech República Dominicana, rech xya’ utzijob’exik xuquje’ rech xya’taj pa kq’ab’ ri Nimatinamit e k’o pa Nim Molajil Chomanem ri’ rumal ri Departamento rech Seguridad Pública pa le uwokib’al uwach xuquje’ pa le upatanixik ri’ xuquje’ rech are kaya’taj katob’anik ri Q’atb’altzij rech ri Japache’ Tz’apib’al ri’ xuquje’ ri Taqanelab’ e K’amol ub’e ri’ pa jun ub’anikil ri Estrategia Interamericana rech ya’el uchuq’ab’ ri chajinik pa japache’.