Eri K’amal b’e Amaq’ ruk’ ri Q’atb’altzij rech ri Ya’olchajinem xechoman kuk’ ri k’amal b’e rech taq tinamit

Eri Ministro rech Gobernación, Gendri Reyes Mazariegos xrachb’ilaj ri K’amal b’e Amaq’il Alejandro Giammattei pa le riqb’alil che ri xemolin wi pa chomanem kuk’ ri 22 k’amal b’e rech taq tinamit pa le Nimrachoch Nimatinamit ri’.

Pa le xwoksolix wi ri patanem che ri kab’an pa we junab’ ri’ rech b’anoj utzilem chi ke ri winaq tinamit ri’, rech are kilik upatanixik ri uwa’lisab’al poq’san meb’il ri’, ri uwa’lisaxik kuwach ri winaqil xkiriq k’ax rumal ri nimajab’ Eta xuquje’ Iota, ri ya’el uchuq’ab’ ri Consejo Nacional rech Desarrollo Urbano xuquje’ Rural (Conadur) ri’.

 “pa le 2021 ri’ eri jun b’anikil ri’ are rech kuwa’lijsax kuwach ri winaqil, rech kala’wchix uwach ri rulewal tinamit ri’, ri ub’anik utz che ri kik’aslemal winaq ri’ xuquje’ ri b’anoj tijonem chi ke, pa le upatanixik ri Consejos rech Desarrollo ri’”, xcha’ ri K’amal b’e Amaq’ ri’.

Rumal ri’ xuta chi ke ri nik’aj chik e ajk’amol b’e ri’ rech kakimaj uchomaxik pa jumul chik ri xb’antaj kowinem xchomax kanoq rumal ri jun itzel yab’il rech ri Coronavirus (COVID-19) ri’.

Utz ri chak b’anom ri’

Pa le chakunem ri’ eri tz’ib’anel rech ri Coordinación Ejecutiva rech ri K’amoj b’e Amaq’, sib’alaj xuya’ ub’ixik k’ut che ri retab’axik ri chak xb’an pa junab’ xk’is ri’ ri k’a te xk’isik pa lajuj chi tinamit ri’ are xopan pa jun 90 por ciento ri’ pa le ukojik uwach ri pwaq rech tojb’al chakunem ri’ xaq xu’ wiri’ xel kanoq pa 50 xuquje’ 80 por ciento ri’.

Alerta de Corrupción

Ultimas noticias