Aretaq xmolin kuk’ ri Taqanelab’ rech ri jalajoj bancadas rech ajb’anol taqanib’al ri rech ri Congreso rech ri Amaq’il eri K’amal b’e Alejandro Giammattei, xuya’ utzijolil ri nab’e tzukunem ya’olchajinik xb’an kumal ri wokajil ajchajil tinamit pa Mixco xuquej’ pa San Juan Sacatepéquez ri’.
Eri xchakuxik pa taq le nab’e q’ij rech ri Korlim rech Ya’olchajinik pa keb’ uq’ab’ tinamit chi’ pa ronojel k’o 19 tzukunem xb’anik, kuk’ e 11 winaq xechap loq, keb’ winaq chik xe’esax b’i pa nimatinamit ri’, rumal ri’ k’o kejch’ich’, k’aqb’alil xuquje’ ruk’ ch’awib’al xeraqataj ri’.
Rumal ri’ k’o jun xya’ pa utzijoxik ri’ che pa Iximulew xqaj uchuq’ab’ ri b’anoj k’ax pa taq le q’ij ri’, are wa’ xuya’ utzijol ri K’amal b’e Amaq’ ri’ eri b’anoj k’ax chi’ are che k’aqb’alil ri’.
Pa taq le ya’olchajinik ri’ e k’o jun mil 500 e taqanelab’ xuquje’ kuk’ e ajchajil amaq’ xuquje’ e k’o 500 e ajchajil tinamit xek’oji ri’, xuquje’ k’o 15 chi k’olib’al ya’olchajinik xkoj ri’, xcha’ ri Giammattei Falla.
Eri K’amal b’e Amaq’ xub’ij, chi chuwe’q kamolin ri’ kuk’ ri q’atb’altzij rech ri Corte Suprema rech Justicia are rech uta’ik ri tob’anem kamik ri’ rech kechapik ri e ajb’anol k’ax ri’.
“Are kojtajin che ub’anik rech kopan uch’ob’ik che are kojtajin che uq’atxik ri nuk’wokaj kamisanem xuquje’ ri b’anoj k’ax rech kaq’atexik ri’”.