K’o k’i taq b’anoj tzukunem katajin we kamik pa tinamit rech Iximulew xuquje’ pa Xe’laju’ ri’, chi’ k’u ri’ xetatb’en wi reqa’lenel ri Wokajil Ajchajil Tinamit (PNC) pa komon kuk’ rajchak ri Ministerio Público ri’.
Ruk’ wa’ are taqim katzukuxik xuquje’ kachapik ri nik’aj winaq e b’anol k’ax rech ri mara rech ri Barrio 18, ri kab’ixik k’o toq’inik pwaq xuquje’ kamisanik kib’anom ri’.
Eri tzukunelab’ xkib’ij che we nik’aj b’anol k’ax ri’ e uwinaq ri jun molaj b’anoj k’ax ub’i’ “Crazy Rich” xuquje’ e are tajin kakixib’ij ri e ajk’ayinelab’ ri’, xuquje’ chi ke ri ajb’inisal ch’ich’ e jachal jastaq ri’, chi ke tuc tuc, chi ke ch’ich’ rech erelwinaq xuquje’ pa taq k’ayib’al ri’.
Eri tzukunem xuq’alajisaj ri’ che we jun molaj b’anol k’ax ri’ are kab’ixik k’o toq’inik pwaq, kamisanik, b’anoj k’ax kib’anom ri’.