Are taqim ub’anik ri ya’olchajinem pa le k’ulb’a’t juyub’ rech Iximulew ruk’ México ri’, pa 26 q’ij rech septiembre ri’, eri q’atb’al Tzij rech ri Ministerio rech Gobernación (Mingob) ri’, rech ri Wokajil Ajchajil tinamit (PNC) kuk’ ri Wokajil Ajchajil Amaq’ Iximulew, xechajin pa kaqiq’ cho kaj ri’ pa le xik’ach’ich’ rech ri Unidad Aérea rech Gobernación (Unagob), jeri’ xkiwa’katej uwach ri chajinem pa taq le juyub’alil rech Chinab’jul.
Eri ub’eyal ri chajinem ri’ are la’ xb’antaj usolixik rumal ri Quinta Viceministra rech Antinarcóticos, Dana Barillas ri’, ri Subdirector General rech Análisis rech Información Antinarcótica rech ri PNC, Helver Beltetón ri’ xuquje’ ri Rajtaqanel ri Estado Mayor, General William López Chay ri’.
Eri Vicemnistra Barillas, xub’ij che xb’antaj k’i taq uwach wuqq’ij q’ij ri’ ya’om uchuq’ab’ ri chajinem pa le k’ulb’a’t juyub’alil, kakub’isax ri b’anoj ya’olchajinem ri’ rech kaq’atexik ri nik’aj b’anol k’ax chi’. Xuquje’ xuq’alajisaj ub’ixik che ri nik’aj videos xeq’alajin wi ri nik’aj b’anol k’ax ri’ xe’il pa le uwachwuj pa kaqiq’ man chi’ taj pa rulewal qatinamit.
“Sib’alaj rajwaxik b’a kaq’alajisax ub’ixik ri’ che ri ilob’alil ub’i’ audiovisual ri’ man rech ta chi’ pa qatinamit, rumal b’a sib’alaj tajin ri b’anoj chajinem tzukuknik ri’ ri are xa’ rumal xkoj ri’ ri cholchajinem kumal ri wokajilal ri’ rumal ri’ maj jun b’anoj ri k’ax ri’ pa rulewal taq tinamit keriqitaj pa k’ulb’a’til ruk’ México”, xcha’ ri nan aj nim patanel.
Eri’ xwa’katex ub’anik ri chajinem pa komochak pa wokajil ri’, ri xa’ rumal ri’ te k’u ri’ ri winaqil chi la’ k’ut xkib’ij che k’o nim upatanib’al ri chajinem tajin kumal ri wokaj ajchajin tinamit chi’.
Eri rajtaqanel ri SGAIA, Helver Beltetón, xub’ij che ri puqchajinem che kaqan ri ajchajil tinamit ri’ are la’ ub’anom rech maj jun e ajb’anol k’ax ri’ e okinaq ta loq pa rulewal qatinamit, “k’o ri puqchajinem tajin chi’ rech pa kub’alil kek’oji ri winaqil pa le Mesillari’, xuquje’ rech kakub’isax kachajixik ri winaqil rech kab’an le utilem chi ke”.