Eri Ministerio rech Gobernación, rachi’l ri Nab’e Uq’ab’ Taqawokajnel rech Ya’olchajinik, pa le uchak patanik ri K’amoj ub’e ri Wokajil Ajchajil Tinamit (PNC) xuquje’ ruk’ kichak ri reqa’lenel ri’ xekowin che ub’anik utzilem pa taq le Korlim Ya’olchajinik ri’.
Are wa’ xb’antajik pa taq le tinamit rech Mixco xuquje’ San Juan Sacatepéquez, pa zona 4 xuquje’ pa zona 12 rech Villa Nueva, pa San Andrés Itzapa, pa le Tejar xuquje’ pa Chimaltenango, xuquje’ pa Nueva Concepción, Santa Lucía Cotzumalguapa, Tiquisate, Puerto San José, Palín xuquje’ pa nimatinamit rech Escuintla xuquje’ rumal ri Ya’olchajinik kumal e Ajchajinelab’ pa taq zona 6, 18, 21 ri’, pa Chinautla xuquje’ pa San Pedro Ayampuc.
Rumal ri’ xb’antaj kowinem xechapatajik 177 chi winaqil ri’ le xtaq kachapik rumal ri q’atb’altzij ri’, e k’o 73 ketajin che b’anoj k’ax aretaq xechapik, e k’o kajib’ xb’itaj chi ke e are jun pa le b’anoj k’ax ri’, e k’o 30 chi winaqil naj kapetik e k’o pa Migración ri’.
Eri nik’aj chik utz b’anoj nim upatan xb’antajik are ri’ le oxib’ b’anoj tzukunem pa japache’ tz’apib’al, keb’ b’anoj tzukunem rech xeq’atexik nik’aj b’anol k’ax pa kik’aslemal winaq ri’ xuquje’ rumal k’o 256 chi ch’a’wib’alil xraqataj kuk’ ri nik’aj e ajtoq’inel pwaq chi ke winaq, xuquje’ e kamisanelab’ ri’. Xuquje’ k’o 70 chi k’aqb’alil xraqataj ri’, k’o 3 mil 684 chi ub’aq’ k’aqb’alil xraqatajik, k’o 32 chi ch’ich’ rech kebinisaxik xraqataj loq, k’o 39 chi kejch’ich’ xeraq loq xuquje’ k’o Q 292 mil 915 are rajil ri jastaq b’anom kumal e ajb’anol k’ax ri’.