Aretaq xb’antaj jun b’anoj wa’katem pa le Jachakunb’al rech resaxik ri Wujq’axib’al ri’, xilotaj ri’ che ri winaqil e ajesal rech ri wujq’axib’al chi’ pa aninaqil ya’tal chi ke ri’ kumal rajchak ri Instituto Guatemalteco rech Migración (IGM).
Eri ajtzijolinel rech ri taqawokajil ri’ Alejandra Mena, xuya’ utzijol che ri wujil ri’ k’o k’i rech ya’tal chi ke ri winaqil ri’ aretaq ke’opan che uta’ik ri’ nik’aj chik rech ke’opan che uk’exik ri’ rumal ri’ eri e ajchak chi’ e jachom kuwach pa le uya’ik ri wujila chi ke ri winaqil e aj iximulew ri’.
Eri Mena, xuya’ utzijol ub’ixik che pa le junab’ 2019, xeya’taj ri’ chi ke ri winaqil 550 mil chi wuq’axib’al chi’ pa Iximulew xuquje’ rech kaya’ chi ke ri winaqil pa taq nik’aj chik tinamit ri’ xuquje’ pa taq le consulados che ri e k’o pa Estados Unidos ri’, rumal k’ut pa taq le nab’e q’ij rech enero e k’i ri winaqil ke’opan che resaxik kiwuj chi’.
“Eri Instituto Guatemalteco rech Migración kukub’isaj ub’ixik che k’o pa uk’alajil ri wujq’axib’al ri’ rech kaya’ chi ke ri winaqil e aj iximulew che ri ke’opan che resaxik ri’”, xcha’.
Eri xb’ixik kanimax uwach ri’
Eri Mena, sib’alaj xuta kanimax ub’anik kumal ri winaqil e ajesal rech ri wuj ri’ chakitz’aqatisaj uwach ri wujil kata chi ke aretaq ke’ok che rilik pa le uwachwujil pa k’amq’aq’nil rech ri Migración ri kub’ij jutnir ucholajil ri jujun taq kata chi rij ri’.
Jacha’ jumpa’ jun chi ke ri tat nan kekowin taj kek’oji che resaxik ri wujil pa le kesax wiri’ ya’tal ri’ jun chi ke ri tat nan kaya’ pa uq’ab’ rech kopan che resaxik kiwuj kalk’uwal ri’.
Xuquje’, sib’alaj xuta toq’ob’ ri rajawtzij rech comunicación social chi ke ri winaqil che’opan b’a’ lajuj (10) minut nab’e pa le resaxik wi ri wujilal ri’ rech majun itzelal kutzil kakiraq tane’ pa le resaxik ri’.