Rumal k’ut xunimax ub’anik ri xutaq ub’anik rumal ri K’amal b’e Amaq’ Alejandro Giammattei, ri Ministro rech Gobernación, David Napoleón Barrientos ri’ ruk’ ri Ministro rech Desarrollo Social, Héctor Melvyn Caná ri’ xuquje’ ruk’ ri Gobernador Departamental Jorge Luis Gramajo ri’, xb’an jun wa’katem rech xkisolij juntir uwach ri xb’antaj wi pora’n paq’ij iwir pa le asentamiento Santa María La Paz, k’o pa le zona 21 ri’.
Chi la’ k’ut eri q’atb’al tzij xek’oji chi la’ xkib’ij che sib’alaj xkinimaj ub’anim ri xutaq ub’anik ri K’amal b’e Amaq’ ri’, ri Q’atb’al tzij rech Taqawokajilal pa Iximulew ri’ sib’alaj xetob’anik che uk’amik b’i che ujachik chi la’ wa’ tzuqub’al, q’oyob’al rech k’o kewar wi ri winaqil, chokonsab’al rech yakib’al kachoch, xuquje’ xya kikaxlanq’aq’ rech wos xuquje’ chab’al kijoron kija’. Xuquje’ xkoj k’olib’al rech tijob’al kiwa chi’ rech kajach kiwa pa saqarik, panik’aj q’ij ri’, are la’ kanajtib’ uya’ik k’a kab’antaj usaqab’isaxik xuquje’ uyakik ri kachoch ri winaq chi’.
Eri Ministro Barrientos ri’, xub’ij che paq’ij kamik ke’utaq b’i 75 chi eqa’lenelab’ rech ri Wokajil Ajchajil Tinamit (PNC) ri’, rech ketob’anik chi ke ri 37 ja winaqilal che ri xporotaj kachoch ruk’ kijastaq. Eri taqawokajnel ri’ xub’ij che “rumal b’a’ jacha ri xutaq ub’anik chi’ rumal ri K’amal b’e Amaq’il rech kab’an sib’alaj k’o ya’olchajinem kumal ri PNC chi’ che ri xk’ulmataj ri k’ax pora’n ri’, kaq’atexik b’anoj k’ax chi’. Are wa’ xmajtaj ub’anik paq’ij iwir are chi’ tajin ri pora’n xukquje’ rech katerenb’ex ub’anik uk’isik uya’ik ri kachoch winaq chi’”, xcha’ ri taqawokajnel.
Xub’ij chik che paq’ij chanim sib’alaj rajwaxik b’a’ kaqamol qib’ qonojel uj winaq uj aj iximulew rech keto’ik ri ja winaqilal xkiriq k’ax rumal xsach uwach juntir kijastaq, are wa’ jun nimanem kakib’an ri taqawokajilal rech ya’ik tob’anem ri’.
Eri q’atb’al tzij xkib’ij che jujun ja winaqil ri’ kaya k’ut puq kijastaq chakub’al ri’ kaya 30 láminas chi ke, 15 ch’ich’ rech uwi kachoch, 180 chi ch’apib’al, xuquje’ jun kikaxlanq’aq’, jun k’olib’al kiwos xuquje’ kicha’b’al uwach kijoron kija’ rech kakiqumuj.
Jeri’, eri komon ajchomanel kech ri winaqilal chi’ sib’alaj xkimaltyoxij che ri K’amal b’e Amaq’ Giammattei, che ri Ministro Barrientos, che ri Ministro rech Desarrollo Social xuquje’ che ri Gobernador Departamental rumal pa aninaqil xe’opan che ya’ik tob’anik chi ke chi’.