Ri rajchak ri tecnologías rech ri tzijob’elil uchakunik ri Ministerio rech Gobernación (Mingob) ruk’ taq uq’ab’il xek’oji pa jun q’ij rech tijonem chi rij ukojik ri plataforma X-Road, jun k’ak’ kemechakub’al ri kuya uchuq’ab’ ri b’anoj puqtzukunem pa wokajilal xuquje’ katob’anik kuya utzijol ub’ixik chi ke taq ri taqawokajilal rech ri Amaq’.
Eri k’uttijonem ri’ are usach ri toq’im ukojik ri X-Road. Pa le q’ij ri’ xb’an utzijoxik ruk’ ri uwolik ri plataforma, ri kub’al ub’anikil ri’, ri rachib’al xuquje’ ri ukojik, rech b’a’ utz le ub’ixik kab’anik xuquje’ kub’al k’u’x le utzijol ri’.
Eri ukojik ri jun chakub’alil ri’ are kutiq rib’ ruk’ ri 43 chi uq’ab’il ri Organismo Ejecutivo, pa le ub’anik rech kub’an uwokik uwach ri’ xuquje’ rech katijoxik ub’anikil rech komon puqchakunem ri’, rech kutoq’ij ub’anik ri chakuxik pa tinamit.
Eri chakunem ri’ xk’am ub’e ub’anik rumal ri viceministra rech Tecnología, Karen Ortiz, ri sib’alaj xub’ij che ri Mingob kuq’atoq’ij ub’anik ri komon puqchakunem pa le Organismo Ejecutivo rech katob’anik kub’an ya’ik ub’ixik chi kuxo’l taq ri taqawokajil ri secretarías, jacha uwach ri komon chakunem rech ri k’ak’ uwach ri Amaq’.
Xuquje’ xub’an jun sik’inik chi ke ri uq’ab’il taqawokajnem rech ke’ok pa le komon puqchakunem ri’ xuquje’ rech kakib’an ukojik ri k’ak’ kemechakub’al ri’. Xub’ij k’ut che ri uta’ik ub’anik wari’ rech komon chakunem kuk’ ri ajno’jinelab’ rech taq amaq’ib’ rech kakiya utzijol chi rij taq ri chak b’anom xuquje’ ri eta’mab’alil chi rij ukojik wa’ ri ub’anikil ri’. Xub’ij ri’ che ri nab’e komon xuquje’ rech kach’ob’ ri q’ij rech kab’anik pa le komon puqchakunem pa wokajilal ri’.
Pa le uq’ijol ri’ xek’oji ri Viceministerio rech Tecnología xuquje’ ri ajtaqo’ninel rech taq ri uq’ab’il ri Mingob, are uwach k’ut ri chak kab’anik rech ya’ik uchuq’ab’ ri kemechalub’al ri’, rech ri k’ak’ uya’ik ri chak pa tinamit ri’ xuquje’ rech kub’alil k’u’x kab’an jun utzijob’exik ri tzijol pa kub’al k’u’x xuquje’ pa utzilal ri’.