Eri Wokajil Ajchajil Tinamit (PNC) xujaq uwach ri chajinem pa tinamit rech Alta Verapaz ruk’ ri jaqib’al rech ri Estación 51-5 xuquje’ ri Subestación 51-5-1, pa le uq’ab’ tinamit rech Chisec. Eri uyakik ri rachoch chajinem ri’ are la’ kuya uchuq’ab’ ri chajinem kumal ri ajchajil tinamit ri’ xuquje’ rech kab’an utz che ri kaq’atexik ri e’ajb’anol k’ax ri’, pa utzilla chi ke ri e 110 mil chi winaqilal ri’.
Eri k’ak’ rahoch chajinem ri’ k’o 17 nimaja chi upam, k’o rech atención ciudadana, k’o rech chakunem, k’o rech k’elk’ul wi apan ri winaq, k’o warib’al, k’o rech meq’sab’al ch’ak’ul b’aqilal xuquje’ k’o rech ch’ajamab’al. Xuquje’ rech ke’uq’i’o 27 chi ajchajil tinamit, k’o rech taq ajtaqanel xuquje’ k’o rech taq ajchajinelab’, ri kek’oji che ub’anik ri chajinem xuquje’ uq’atexik ri k’ax, jeri’ rech kechajin pa 176 chi aldeas xuquje’ caseríos rech ri tinamit ri’.
Eri jaqib’al rachoch chajinem ri’ are xb’an rumal ri ministro rech Gobernación, a Marco Antonio Villeda, ri sib’alaj xub’ij che ri uchuq’ab’il ri chajinem ri’ are kumajo pa amaq’el katijoxik ri ajchajinelab’, jeri’ jun retab’al uwach pa amaq’el ri ujachik taq ri chakub’alil xuque’ ri eta’mab’al pa taqawokajil ri’ rech kekowon che uq’atexik ri uxib’ib’anik taq k’ax.
Xub’ij k’ut che ri molaj b’anol k’ax ri’ tajin kakik’ex ub’anik ri k’ax kumal, kakitzukuj k’ak’ taq ub’eyal xuquje’ kakeche’ej are chi’ maj b’anow chajinem ri’, rumal ri’ ri wokajilal rajawaxik kenab’ejik che ub’anik taq ri k’exnem ri’.
Eri patanel xub’ij che ri b’anow le utzilaj chajinem ri’ rajawaxik kuchuq’ab’arisaj pa oxib’ uwach unimachak ri’: reta’maxik uwach ri juyubalil, b’anik rilik ri k’axk’onem xuquje’ ruk’ utzilaj kakiq’atej uwach. Xuquje’ xub’ij che ri kichak ri ajchajinelab’ man xaq ta ri’ are kakib’an tane’ puqtzukunem, xane’ are rajawaxik kakib’an jun nim uq’atexik, are rajawaxik b’a’ pa amaq’el kek’oji che ya’ik tzijol pa uq’ijol rech ri kakichamaj xuquje’ rech pa utzilal kakib’an ri puqtzukunem ri PNC pa unimaxik ri kichakunik.
Pa le b’anowem ri’ xk’oji ri viceministro rech Seguridad, a Roberto Solórzano; ri viceministro Administrativo, a Kelvin Aguilar; ri director general adjunto rech ri PNC, Héctor Prera; ri ajtaqanel rech chajin tinamit; ri q’atb’al tzij winaqib’ xuquje’ ri ajchomanelab’ rech ri Organismo Judicial (OJ), Ri Ministerio Público (MP) xuquje’ ri Procuraduría rech ri Derechos Humanos (PDH).