Eri Ministerio rech Gobernación (Mingob) xuya uchuq’ab’ ri b’anow puqtzukunem rumal ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), ruk’ ujachik ri 20 radio patrullas, ri 12 kejach’ich’, ri are la’ utz kakikojo ri ajchajinelab’, rech unimarsaxik ri kichak pa rulewal tinamit xuquje’ rech pa aninaq’il kakib’an ri puqtzukunem rech uq’atexik taq ri narcotráfico ri’.
Pa le ub’anik ri chakunik ri’, eri programa Smart Forense rech América Latina xuquje’ ri Caribe, rech ri Oficina rech ri Naciones Unidas rech Q’ateb’al Awan Kunb’al xuquje’ ri K’ax (UNODC), xuquje’ ri Embajada rech Canadá xkib’an le retalil ujachik ri keb’ kemechakub’al ub’i’ TruDefender, k’ak’ puqchakub’al rech kuq’alijsaj uwach taq ri awan kunb’alil, ri kunb’al maj pa usaqilal xuquje’ ri b’anob’al awan kunb’alil.
Eri b’anowem ri’ are xk’am ub’e ub’anik rumal ri ministro rech Gobernación, Marco Antonio Villeda, ri sib’alaj xub’ij che ri narcotráfico are jun k’axk’onem pa taq amaq’ib’ ri kuya pa itzelal ri chajinem rech taq ri amaq’ib’ xuquje’ kakita ri taqawokajil ri’ ruk’ taq b’anik nimachak. Jeri’ sib’alaj xub’ij che ri upatanib’al ri’ rech kuya uchuq’ab’ ri no’jchakunem, ri kemechakub’al xuquje’ ri ub’anik ri komonchak tob’anik rech nab’ejsab’al chi re taq ri molaj b’anow k’ax ri’ xuquje’ rech kowilaj uq’atexik kab’an pa utzilal ri’.
Eri taqawokajnel rech taqon chajinem pa amaq’ tinamit xub’ij che ri unimarsaxik ri k’olib’al ketak’ab’ wi ri ch’ich’ rech utz le kelik b’i ri wokaj ajchajinelab’ antinarcóticas pa rulewal tinamit, rech jikom ub’anik ri puqtzukunem kumal ajchajil tinamit xuquje’ rech kakichomaj ri rajawaxik ub’anik ri puqtzukunem rumal ri unidad ri’ pa le kaq’atexik ri molaj b’anol k’ax ri sib’alaj k’o kachuq’ab’il.
Pa le b’anowem ri’ xk’oji ri viceministro Antinarcótico, a Víctor Cruz; ri k’amal b’e rech ri PNC, a Erick Rolando Osoy; xuquje’ ri subdirector general rech ri SGAIA, a Wuilber Arreaga. Xuquje’ xek’oji ri consejero político xuquje’ económico rech ri Embajada rech Canadá, a David Seekings, xuquje’ ri coordinador rech ri programa Smart Forense rech ri UNODC, a Juan Ricardo Gómez Hecht ri’.
Ruk’ ri ukojik ri chakub’al ri’, eri Mingob kuchuq’ab’irisaj ri chak rech k’o kakojik keb’e, rech je’l sak’ajil tzukunik xuquje’ uriqij taq awan kunb’al rech ri unidad antinarcótica, pa le ya’ik ri kichakub’al ri ajchajil tinamit ri’ xuquje’ ri cooperación internacional rech kaq’atexik ri narcotráfico xuquje’ ri molaj b’anol k’ax rech taq amaq’ib’.