Eri ajchajinelab’ japache’ ri xeyut chi la’ pa taq ri ch’ojib’al xb’an pa Renovación I xuquje’ El Boquerón ri’ utz kiwach xetzopitaj loq, xcha’ ri k’amal b’e rech ri Sistema Penitenciario, a Jorge López. Eri patanel ri’ xub’ij che pa keb’ japache’ ri’ jikom chik ri chajinem tajin kumal q’atb’al tzij chi la’ k’ut.
Eri a López xub’ij che ri maj jun chik ch’ojinik chi la’ pa japache’ ri, maj jun chik sakom chi la’, maj chik b’anow k’ax che rachoch ri japache’ chi la’, maj jun chik k’aqb’al sachinaq. Jeri’ xub’ij che ri winaqilal e tz’apilik chi la’ konojel keriqtaj chi la’.
Eri patanel ri’ xub’ij che ri Amaq’ ri’ man kutaq ta kitzij ri e tz’apilik, man kuxe’j ta rib’ chi ke molaj b’anol k’ax ri’ xuquje’ sib’alaj xub’ij che ri chajinem pa taq ri japache’ tz’apib’al are la’ jun nimachak kakiya ta kanoq ub’anik kumal ri q’atb’al tzij. Rumal ri’ xub’ij che kab’an uq’alajisaxik ri xk’ulmataj pa Renovación I, pa El Boquerón xuquje’ Pavoncito rech kilik jachin ri winaq e’ajmak ri’ rech kek’am b’i pa q’atb’al tzij chi rij ri xkib’ano.
Eri b’anowem ri’ are uwach ri kuya ri’ uchuq’ab’ ri chajinem pa japache’ ri’, pa le katerne’j ub’anik wi ri tzukunik xuquje’ ri resaxik chi la’ ri jastaq maj pa usaqilal. Eri a Lópz xuquje’ xub’ij chi rij taq ri xb’antaj kowonem xkolik xuquje’ chi rij ri ub’anikil ukojik taq ri videovigilancia pa wajxaqib’ taq rachoch japache’, jeri’ le ukojik ri puqchakub’al rech escaneo kich’akul b’aq’il winaq ub’i’ (body scan) pa 23 rachoch japache’.
Eri k’amal b’e ri’ xub’ij che ri q’atb’al tzij ketajin che ya’ik uchuq’ab’ ri chajinem pa taq okib’al xuquje’ ukojik ri k’ak’ kemechakub’al chi la’ rech kakiterne’j ub’anik chik pa amaq’el pa ucholalejil ri chajinem pa taq japache’ tz’apib’al ri’,