Pa unimaxik ri Cholpatan rech Ub’e’al loq’axik ri B’anoj Transformación Policial ri’, ri xtaq ub’anik rumal ri Wokom Patanelab’ Iximulew pa le upatanem ri Ministerio rech Gobernación (Mingob) ri’, pa le we junab’ ri’ xkib’an uyakik ri rachoch taq ri tijob’al kiwa rech ri Comisaría 11, pa zona 1 pa nima uk’u’x nimatinamit; ri Comisaría 16, pa zona 7 rech Mixco xuquje’ k’a te ri’ pa le rachoch ri sede rech ri Subdirección General rech Análisis rech Información Antinarcótica (SGAIA), chi la’ k’ut xkoj wi oxib’ rachoch tijob’al kiwa ri reqa’lenelab’ ri Wokajil Ajchajil Tinamit (PNC).
Eri cholchak ri’ are la’ kub’an nim utzilem chi ke ri 3 mil chi reqa’lenel chajin tinamit keriqitaj pa ri sedes ri’. Eri kiwa ri’ are rech oxmul pa jun q’ij, are la’ b’anom kumal ri e ajno’jchakunel, rech taqim uya’ik jun utzalaj kiwa kitzuqik, rech utz uwach b’a’ kek’oji ri ajchajinelab’ ri man tojom ta kumal ri’.
Eri taqawokajnel rech ri ya’olchajinem pa qatinamit, David Napoleón Barrientos, sib’alaj xub’ij che pa junab’ ri’ kekoj ri’ oxib’ chi rachoch tijob’al kiwa ri’ ri k’o jun retalil uloq’axik ilom kumal nik’aj chik nimatinamit rech pa uwachulew xuquje’ e k’o e ajb’anol wa’ e ajno’jb’anol rech wari’, ri e saq che ub’anik wari’. “Eri ajchajinelab’ ri’ e aj iximulew kakijom katz’iyaqb’alil ri rajwaxik kaloq’ax ri kichak rech utz saq ri kiwa kakitijo ronojel q’ij, rumal k’ut chi paq’ij chi chaq’ab’ keriqitaj pa chajinem ri’, rech kakiya kub’sib’al chajinem chi ke ri winaqil e aj iximulew ri’”, xcha’ ri Barrientos ri’.
Cholpatan rech 2023
Pa jun chik junab’ ri’, eri q’atb’al tzij rech ri Mingob uchomam chik kukoj waqxaqib’ xuquje’ pa lajuj chi rachoch tijob’al kiwa ri PNC keriqitaj pa taq ri sedes ri’ pa rulewal qatinamit. Pa taq ri k’olib’al chajinem ri’, eri ajchajinelab’ che ri kek’oji pa chajinem ri’ man k’ot rajil kiwa kaya chi ke ri’ k’o oxmul kiwa kaya chi ke che jun q’ij ri’, are wa’ jun nim tob’anem kab’an chi ke rech kakikol kipwaq ri’. “Are wa’ sib’alaj k’o nim upatanib’al rech katerenb’ex uya’ik uchuq’ab’ ri chajinem kumal ri Wokajil Ajchajil Tinamit ri’, rumal k’ut e are sib’alaj kechajin chi ke ri winaqil e aj iximulew ri’”, xcha’ ri ri Ministro Barrientos.
We cholpatan ri’, are la’ rech kukoj rachoch tijob’al kiwa ri ajchajinelab’ pa taq ri k’olib’al chajinem keriqitaj wari’, ruk’ ri tzuqunik chi ke ri’ kakikol ri’ k’a pa Q1300 chi pwaqil che jun ik’ ri’, ruk’ wari’ are katerenb’ex uloq’axik uwach ri kichak rech chajinem pa le wokajil chajib’al ri’.
Xb’ixik ri’
Eri Ministro rech Gobernación, David Napoleón Barrientos, xujaq uwach ri nab’e rachoch tijob’al wa tzuqub’al ri’ paq’ij 15 rech julio pa le Comisaria 11, zona 1, eri ukab’, pa le 8 rech agosto pa le Comisaría 16, ri k’o pa Mixco, xuquje’ eri urox chik, pa le 21 rech diciembre ri’, pa le sede rech ri SGAIA, zona 6 pa uk’u’x nimatinamit Iximulew ri’.