Eri Ministro rech Gobernación, David Napoleón Barrientos, kuk’ xutaq ub’anik chajinem tzukunik ri’, rumal k’u ri’ eri taqanel rech ri Wokajil Ajchajil Tinamit (PNC), xkikoj pa nab’e q’ij rech diciembre ri chajinem tzukunik ub’i’ Plan 39-2022, are rech kaya uchuq’ab’ ri chajinem winaqil pa taq ri nimaq’ij rech alaxib’al xuquje’ rech pa k’isb’al junab’ ri’, rech uq’atexik ri b’anoj k’ax elaq’ ri’.
Eri cholchak chajinem ri’ oxib’ uwach pa le ub’antajik are la’ xmajtaj ub’anik paq’ij kamik xuquje’ kak’is ub’anik pa le jo’ob’ q’ij rech enero rech 2023 ri’.
Xuquje’ chomatal chik kab’an ri chajinem tzukunik pa taq ri nimab’e xuquje’ pa juntir taq ri tinamit, e k’o 1 mil chi e ajchajinelab’ e taqom che ub’anik ri ya’olchajinem winaqil ri’.
Kab’ixik e k’o xechapatajik ketajin che b’anoj k’ax ri’ xuquje’ e k’o nik’aj chik rumal xtaq kichapik, pa taq ri tzukunem, solinik pa kachoch winaq, k’o xb’an loq tzij chi kij ri’, rumal ri’ sib’alaj xb’antaj katzukuxik ri winaqil xuquje’ ri ch’ich’, rech xechap ri ch’ich’, kejach’ich’ e eleq’am ri’, rumal ri’ eri winaqil xkilo xb’an ri ya’olchajinem tzukunik, pa uxo’l taq ja k’olib’al winaq chi rij taq kejach’ich’ kumal ri e ajchajil tinamit.
Eri xtaqixik ub’anik ruk’ ri cholchajinem ri’, are rech xq’atexik ri b’anoj k’ax chi ke ri winaqil xuquje’ rech man k’ot b’anoj elaq’ kab’an ri’, rumal ri’ xb’an ri tzukunem chajinik ri’.