Eri Ministro rech Gobernación, David Barrientos, pa le uchakunik ri Wokajil Ajchajil Tinamit ri’ xkub’isaj ub’ixik che kutaq unimaxik ri taqanem tzij pa we amaq’il xuquje’ ruk’ nuk’chomab’al kumal amaq’ib’ ri’ rech b’a’ eri Taqawokaj pa Iximulew ri’ pa amaq’el kachoman kuk’ ri tinamit ri’, rech pa le kachapik ri winaqil e aj iximuelw che ri e k’o pa narcotráfico xuquje’ pa nik’aj chik b’anoj k’ax.
Rumal ri’ pa jun ik’ panik’aj ri’ rech ri junab’ 2022 ri’, eri reqa’lenel ri Subdirección General rech Q’atel Awan Kunb’alil (SGAIA) ri’, rech ri Wokajil Ajchajil Tinamit (PNC), xkichap e jo’ob’ chi winaqil e k’o pa narcotráfico xuquje’ e keb’ chik xkib’an nik’aj chik b’anoj k’ax ri’ rumal ri’ xtaq loq kichapik rumal ri Q’atb’al tzij rech ri Estados Unidos rech Norteamérica ri’.
Pa le zona 1 rech Chinab’jul, eri e’ajchajil tinamit ri’ xkichap loq jun achi ub’i’ Eder Malfre Rivas Matías, 40 ujunab’, kab’ixik k’o awan kunb’alil cocaína xutaq b’i pak’ayinik pa nimatinamit naj ri’. E pa Olintepeque, Xe’laju’ ri’, chi la’ k’ut xchapataj wi loq jun achi ub’i’ Rodolfo Abimael Cifuentes Quiñonez, 41 ujunab’, kab’ixik rumal k’o pa narcotráfico ri’.
Pa le 18 rech enero ri’, pa le calzada Kaibil Balam, zona 11 rech Chinab’jul , chi la’ k’ut xchap wi jun achi ub’i’ Wilfrido Adán Herrera Villatoro, 37 ujunab’, kab’ixik eri q’atb’al tzij rech Estados Unidos xutaq uchapik pa le wuqub’ q’ij rech diciembre rech ri 2021 ri’.
Pa le 23 rech enero ri’, pa le aeropuerto internacional La Aurora, eri SGAIA-PNC xkichap loq jun achi ub’i’ Ángelo Paolo Alpírez García xuquje’ ub’i’ Anllelo Paolo Alpírez García, are oxib’ chi ke ri xechap b’i rumal e k’o pa narcotráfico ri’.
Eri rajtzukunelab’ ri División Especializada rech Investigación Criminal (DEIC), xkichap pa le 27 rech enero kanoq jun achi ub’i’ Aníbal López López, 38 ujunab’ ri’, kab’ixik ruk’ tijowchuq’ab’ xuchap jun winaq rech xub’an k’ax chi re, are la’ jun nim mak kub’ij pa le Sección Sección 18. 2-67 rech ri Código rech ri nimatinamit rech Virginia, rumal ri’ xtaq loq uchapik pa le 13 rech enero rech ri 2,022 ri’.
Eri uro’ xchap b’i are ri’ jun achi ub’i’ Anderson Enrique Rizzo Zapata, 28 ujunab’, pa le puerto Iztapa, Escuintla ri’, pa le 28 rech enero ri’, eri Rizzo ri’ taqom loq uchapik rumal ri q’atb’al tzij rech Estados Unidos ri’ rumal k’o pa narcotráfico ri’.
Eri Francisco Santos-Sweet xuquje’ ub’i’ Francisco Andrés Manuel, 34 ujunab’, xchapataj b’i pa le keb’ q’ij rech febrero rech pa junab’ ri’, eri e’ajchajil tinamit rech ri Centro Aantipandillas Transnacional (CAT), pa San Pedro Soloma, Chinab’jul ri’, are xtzukux kumal ri FBI ri’ kab’ixik rumal k’o k’i k’ax ub’anom, k’o winaq xereleq’aj xuquje’ k’o ixoqib’ xe’uchapo, rumal ri’ xtaq loq uchapik pa Estados Unidos ri’.
Xuquje’ k’o jun achi xchapataj ri’ ub’i’ Eder Malfre Rivas Matías, 40 ujunab’, pa le zona 1 rech Chinab’jul, rumal k’o awan kunb’alil cocaína xutaq b’i pa k’ayinik chi la’ pa nimatinamit naj ri’.
Eri Rivas are uwinaqil jun nuk’wokaj b’anoj k’ax ri’ pa le junab’ 2,013 r