Eri Viceministro rech Chajinem, Carlos Enrique Franco, rachib’il ri q’atb’altzij rech ri Ministerio rech Relaciones Exteriores, ri Wokajil Ajchajil Tinamit xuquje’ ruk’ ri Instituto Guatemalteco rech Migración, k’o jun nim puqchajinem xkib’ano pa le k’ulb’a’t juyub’ El Florido, chi’ k’ut k’o jun nim upatanib’al riqb’al ib’ xkib’an kuk’ ri q’atb’altzij rech Honduras xuquje’ El Salvador ri’.
Pa le kopanem chi’ xchomax uch’ob’ik ri Plan Estratégico pa Taqawokajilal che ri are utaqim rilik we utz ri’ ri puqchajinem b’anom pa taq le k’ulb’a’t juyub’ pa amaq’il ri’, rumal k’ut xya’taj kitzijol che k’o jun nim puqkiq’axnik winaqil pa we amaq’ ri’ pa le 15 rech enero ri’.
Rumal ri’ eri PNC katajin che jun b’anoj chomanem kuk’ ri Taqawokajnem rech Ajchajil Tinamit rech Honduras xuquje’ El Salvador rech pa amaq’el k’o ya’olchajinem ri’ rech q’atenik k’ax pa taq le Amaq’il Tinamit ri’ rech kiq’atexik ke’al loq chi’ la’ kawinaqil maj pa usaqilem kipetik kok’owik ri’.
Eri chakunem pa taqawokajil ri’ are k’o nim upatanib’al ri’ rech kiq’atexik ri nim puqkiq’axik ri winaqilal ri’, rech kaq’atexik ri b’anoj k’ax k’ax kumal e itzel winaq ri’ xuquje’ uq’atexik ri jun itzel yab’il rech ri Coronavirus COVID – 19.
Eri xkib’ij ri q’atb’altzij rech Migración ri’ are rech pa saqil ke’ok loq pa rulewal amaq’ nimatinamit ri’ rajwaxik b’a’ kakinimaj ub’anik wari’: Resaxik kakib’an resaxik ri retal PCR xuquje’ ri antígeno negativo rech COVID – 19, k’o ri kiwujq’axib’al pa amaq’ k’o pa uq’ijol kakojik, kiwujil rech kitzijol ri’ xuquje’ eri e ak’alab’ ri’, rajwaxik keqam loq kiwujq’axib’al pa amaq’ xuquje’ kachib’il kitat nan ri’.
Are uwach ri b’anoj ri’ rech kiq’atexik winaq maj pa usaqil kik’owik chi’, rumal ri’ eri Wokajil Ajchajil Tinamit ri’ k’a pa le kajib’ q’ij rech enero xukoj jun b’anoj chajinem pa we amaq’, ri puqchajunem rech rilik kitzijol ri winaqil xuquje’ ri ch’ich’ ke’ok’ow chi’, are kilik we k’o pa usaqil ucholajk kiwujilal ri’ xuquje’ ri keqam ri’ keb’e pa jun chik nimatinamit naj, we k’o pa ucholajil usaqil ri kiq’axnik ri’ rech ke’ok’owik wene’ rech ketzalix b’i pa taq katinamit ri’.
Pa we amaq’ ri’ k’o 15 puqchajinem xb’an pa we amaq’ ri’, keb’ k’olib’al juqchajinem k’o ri’ pa le Fronteras Agua Caliente xuquje’ El Florido, ruk’ kitob’anik ri reqa’lenel ri Comisarías xuquje’ ri Unidades Especialistas.