Eri Q’atb’altzij rech ri Ministerio rech Gobernacióon xuquje’ kumal ri q’atb’altzij rech ri Wokajil Ajchajil Tinamit (PNC), sib’alaj ketaji che katzukuxik ri ixoqib’ xuquje’ ri e ak’alab’ ya’tal kitziijol pa le alertas Isabel Claudina xuquje’ Alba Kenneth, are wari’ maltyox ya’tal uchuq’ab’ kitzukuxik kumal ri jalajoj taq wokajil ajchajinelab’ pa we amaq’.
E pa le nab’e q’ij rech enero k’a pa le oxlajuj rech febrero e k’o 144 chi ixoqib’ xesachik are la’ xya’taj kitzijol ri’. Eri tinamit che ri qas kab’ixik e sachinaq wi are pa Nimatinamit Iximulew chi’ e riqom wi 71 chi ke ri’, pa Xe’laju’, Chimaltenango xuquje’ pa Santa Rosa e k’o wuqub’ e riqom ri’.
E are wari’ xeriqitaj loq kumal reqa’lenelab’ ri División Especializada rech Investigación Criminal (DEIC) ri’.
Eri Ministro rech Gobernación k’a te xub’ij wari’ are b’a’ sib’alaj katajin katzukuxik ri ixoqib’, ri ak’alab’ , taq ala taq ali xuquje’ e q’apojil, rumal ri’ sib’alaj rajwaxik kak’ex uwach ukojik ri taqonatzij rech pa aninaqil kak’ul panoq ri b’iw ub’ixik loq pa taq le ch’a’wib’al loq xuquje’ rech qas katoq’ixik pa aninaqil ketzukux ri’.
Are kupatanij ri’, eri winaqilal kekowin che ub’ixik loq pa taq le comisarías pa taq le k’olib’alil ya’olchajinem ri’ rech kakib’ij loq pa le 110 rech PNC xuquje’ 1518 pa le Ministerio rech Gobernación ri’.