Eri Ministerio rech Gobernación xuquje’ ri urox viceministerio rech q’atenik k’ax pa le upatanil ri Unidad rech ri Q’atenik b’anoj k’ax pa taq komon winaqil (UPCV) xkimaj chaq’ab’ ri’ ri ya’ltzijol ub’i’ «Maneja tu Vida con Responsabilidad», ri are wa’ katajin upatanixik rumal ri Wokajil Ajchajil Tinamit (PNC) rech ke’upixb’ej xuquje’ ke’uno’jij ri e ajb’inisal taq ch’ich’ ri’ rech kakiriq ta k’ax pa taq nimab’e ri’.
Eri Alejandro Cañas rech ri Departamento rech Planificación Estratégica xuquje’ rumal uchakunik ri UPCV ri’ xuya’ utzijol ri’ ch eri ya’ltzijol ri’ are wa’ jun chakunem pa komonb’al ri’ che ri xutaq loq ub’anik rumal ri Tercer Viceministerio xuquje’ rumal ri Subdirección rech Prevención ri k’axk’olil rech ri Wokajil Ajchajil Tinamit, are wa’ katajin ub’anik pa le uro’ uwach chakunem che ri kub’ij wi ri q’atenik raqoj k’ax pa taq nimab’e ri’.
«Are katajin ub’ixik che rajwaxik ri’ kakoj ri yach’b’al kipam winaq pa taq le ch’ich’, mab’inisaj ch’ich’ che katij tzam, makirumumij kib’ pa taq le kich’ich’», xcha’ ri Caña.
Xub’ij chik che ri ya’ltzijol ri’ are kanajtib’ub’anik pa oxib’ ik’ ri’ pa amaq’el ri’ pa komoncha ruk’ ri Departamento rech Tránsito rech PNC.
Ya’ltzijol ub’ixik chi ke ri e ajb’inisal taq ch’ich’ ri’
Eri ya’ltzijol chi ke ri e ajb’inisal ch’ich’ pa we amaq’, jeri’ chi ke e ajb’inisal kejch’ich’, nima’q taq kaxonach’ich’ che ri keb’inisaxik pa taq nimab’e pa we amaq’ ri’.
Pa taq nik’aj chik ya’ltzijol ri’ are kakojik ri peraj taq pimawuj ri’ xuquje’ jeri’ pa taq k’olib’al tzukunem ya’olchajinik ri’ kumal e ajchajil tinamit xuquje’ k’o jub’ij utzijob’exik chi ke ri e ajb’inisal taq ch’ich’ rech b’anoj q’atenik uriqik k’ax tane’ pa taq nimab’e ruk’ jun código QR ri’.
Eri q’atb’altzij ri’ xkib’ij eri ya’ltzijol ri’ are katajin pa uq’ijol pa taq le k’isb’al wuqq’ij ri’, pa taq qas ke’ok’ow wi ch’ich’ rech uq’atexik kakiriq k’ax pa taq nimab’e ri’.