Pa 27 rech noviembre xb’an ri ukab’ riqb’al ib’ kumal ri q’atb’al tzij kuk’ rajchomanel ri k’ak’ k’amal b’e xcha’ik. Pa k’isb’al rech ri riqb’al ib’ xjach ri wujilal rech ub’antajil ri chak rumal ri Q’atb’al Tzij rech Ya’olchajinem pa Amaq’. Pa le b’anonem ri’ are xb’an rilik ri cholchak ub’i’ Proceso rech Transición 2023-2024 ri xtaq ub’anik rumal ri K’amal B’e Amaq’il, Alejandro Giammattei, are xk’am ub’e rumal ri Taqawokajnel rech Gobernación, Byron René Bor Illescas.
Eri Taqawokajnel rech ri Ya’oolchajinem pa Amaq’ xuya ub’ixik chi kuwach ri rajawtzij rajawchak kumal ri k’amal b’e rech ri ronojel uq’ab’il ri Mngob ri’. ruk’ ri taqawokajnel ri’ xek’oji ri Viceministros rech ri Q’atb’al Tzij Ya’olchajinem pa Amaq’ xuquje’ are jun xk’oji ri K’amal B’e rech ri Wokajil Ajchajil Tinamit ub’i’ (PNC). Xuquje’ xk’oji chi’ ri rajpatanel ri k’ak’ k’amal b’e tinamit xecha’ik: Aarón Argueta, Sebastián Hernández xuquje’ Francisco Jiménez ri’.
Eri Ministro xub’ij che ronojel ri ch’ob’otalchak are xjach’ chi kuwach ri xek’oji ri’, “Kaqeye’j ri q’ij rech eri rajpatan ri k’ak’ k’amal b’e tinamit kajkachb’ilaj pa jujun taq chakuja k’amoj b’e rech kakilo jas ri chak kab’an ronojel ri’”.
Xuquje’ eri nim patanel ri’ xub’ij: “eri cholchak xb’an uk’utik ri’ k’o ri’ ri rech B’anob’alil ri Transformación Policial ri’, ruk’ wa’ are taqim uya’ik kichuq’ab’ ri PNC xuquje’ rech kaloq’axik kiwa’lijsax ri chak rech kakiterenb’ej rilik rech utz kakib’an chi ke ya’olchajinem winaqil ri’”.