Eri Ministro rech Gobernación, David Napoleón Barrientos ri’, xe’uya pa k’utem ri embajadaores xuquje’ ri cónsules rech Iximulew ri’ e taqom pa taq nimatinamit rech pa uwachulew ri’, eri Cholchak rech Ya’olchajinem rumal ri Wokom Q’atb’al tzij k’amom ub’e rumal ri k’amal b’e Amaq’ Alejandro Giammattei ri. Eri riqob’al ri’ xb’an pa le 12 rech octubre pa le Universidad del Valle rech Iximulew ri’.
Pa le utzijob’elil xb’an rumal ri taqawokajnem rech ri ya’olchajinem pa we Amaq’ xub’ij k’ut eri winaqilal e ajpatanel e are keriqitaj pa taq le nimatinamit ri’, eri b’anoj ya’olchajinem ri’, are la’ sib’alaj tajin ub’anik rumal we Amaq’il pa le kaq’atexiuk ri nuk’wokaj kamisanem pa uwachulew ri’ xuquje’ rech uq’atexik ri b’anoj k’ax ub’i’ ciberdelitos ri’.
Xuquje’ xreche’j ub’ixik che sib’alaj tajin uchomaxik uwach pa le uq’atanik ri’ ri kiq’axenik winaqil pa Amaq’ are la’ pa octubre ri’ rech pa junab’ ri’ eri kajilab’al xopan pa 19 782 chi winaqilal ri’ e k’o venezolanos ri’, hondureños ri’ xuquje’ cubano ri’.
Jeri’ xuya ub’ixik ri ub’e’al q’atenem tajin che ri narcotráfico ri’, e k’o qajib’alil xik’ach’ich’ tulisam chik uwach xuquje’ nimaja rech b’anob’al awan kunb’al e tulisam chik. Jeri’ xub’ij che ri chakunem pa taqawokajilal ri’ are la’ tajin ri’ rech uq’atexik uwach ri tiko’nib’al rech awan kunb’al rech coca ri’, marihuana ri’ xuquje’ amapola ri’ xuquje’ xporom ri’ ri uk’u’x awan kunb’alil pa le NImaja rech uk’u’x awan kunb’al jacha ri rech Centro América xuquje’ pa taq nik’aj chik nimatinamit rech Latinoamérica ri’.
Xub’ij ri’, sib’alaj xq’atexik ri molaj b’anol k’ax ri’ xuquje’ ri pandillas rech ri Barrio 18 xuquje’ ri mara Salvatrucha xuquje’ ri winaq xechapik rech xetaq b’i pache’ q’atb’al tzij naj ri’.
Eri xb’antaj kowonem kumal ri Unidad Aérea rech ri Ministerio rech Gobernación ri’ ri k’a te xkojik e k’o jo’ob’ e helicópteros xuquje’ jun ch’uti’n xik’ach’ich’ ri’ xuquje’ chomatal chik keloq’ik oxib’ helicópteros pa jun chik junab’.
Ri K’ak’ Taqanib’al rech Jalib’al Kuwach Wokaj Chajin Tinamit
Eri Ministro Barrientos ri’ xub’ij che ri Estrategia rech Transformación Policial ri’ xuterne’j ub’ixik che tajin k’ut unimaxik upatanexik jo’ob’ uwach runimal chak ri’ xuquje’ xuya’ ub’ixik ri chakum chik xuquje’ ri xb’antaj ruk’ jujun taq ri’, rech are la’ kuya jun nim uchuq’ab’ ri ya’olchajinem chi ke ri winaqilal e aj iximulew ri’.