“sib’alaj rajawaxik b’a’ pa amaq’el kojupan pa solinik pa le ya’olchajinik katajin ri’, are rech kaqilo we utz ri katajin ub’anik ri’ xuquje’ rech kojupan che rilik ri rajawaxik che ri Wokajil Ajchajil Tinamit ri’, rech kaqasuk’umaj uwach pa aninaqil”, xcha’ ri Ministro rech Gobernación, Edgar Godoy aretaq xopan pa jun solinik pa le Centro rech Mando che katajin uchakuxik rumal ri cholchak ub’i’ Recuperación xuquje’ Control 3, che ri katajin ub’anik pa taq le tinamit rech Chimaltenango, El Tejar xuquje’ San Andrés Itzapa.
Te k’u ri’ xopan pa Comisaría rech Chimaltenango chi’ k’u ri’ xub’ij ri’ we kamik k’o utz ri katajin uchakuxik, eri tinamit keki’kotik che rilik, rumal k’ut eri b’anoj k’ax katajin uqajik uchuq’ab’ chi’, rumal k’u ri’ majun b’anoj k’ax chik b’anom chi’, are wa’ k’a xoksaxik ri Korlim Ya’olchajinik chi’.
Eri taqawokajil rech ya’olchajinik pa Amaq’ xub’ij ri’ che are keteremb’ex reyexik ri utzilem kuya’ ri ya’olchajinik che ri katajin ri’.
“Eri qas kuwaj in are kinb’ano jun sik’inem chi ke ri tinamit, rech chakib’ano toq’ob’ rech chakib’ij loq, we e k’o b’anol k’ax kakilo, xuquje’ chkub’ kanima’ chi ke ri Ajchajinelab’ pa Tinamit ri’, ri kakib’ij loq awam ub’ixik ri’, maxe’j b’a’ kib’ majun b’a’ kib’anom k’ax chi ke ri’, rumal k’ut eri katob’anik ri winaqil are qas katob’an k’ut rech kub’an utz upatan jacha’ b’anom k’a we chanim”, xcha’ ri Ministro.
Eri tzijol ya’tal loq rumal ri PNC, eri José Cornel xub’ij k’ut pa saqarib’al k’amik che qaraj e k’o ri’ 35 chi winaqil e chapom chik, k’o 129 chi b’anoj tzukunem b’anom chik, xuquje’ we kamik katajin 12 b’anoj tzukunem rech ketzukuxik ri winaqil che ri keleqp’am ch’awib’alil, xuquje’ k’o 12 b’anoj tzukunik katajin ri’.
Eri Ministro Godoy xub’ij che k’o chik 96 b’iw katzijol b’anol k’ax loq b’anom chik pa le 110 rech ri wokajil ajchajil tinamit.