Pa le Ukaj ub’enam ri Taqamaq’ ri’, eri Ministro rech Gobernación, Gendri Reyes, xuya’ ubixik ucholajil ri taqanem pa amaq’ ri’, chi la’ k’ut xuya’ wi ub’ixik eri wokojchajinem are la’ katajin chi la’ pa tinamit rech Zacapa ri’, che ri e taqom wi e 579 chi reqa’lenel ri PNC, ri k’o wi 11 chi subestaciones ri’, oxib’ estaciones ri’.
Chi la’ k’ut qas xq’tataj wi ri b’anoj taq kamisan winaq man je ta chik ruk’ ri xk’ulmataj pa taq le junab’ kanoq, are k’o pa retal ri’ pa jun 39.9 rech pa juntir ri’ xuquje’ eri b’anoj k’ax elaq’ pa tinamit ri’ are la’ xqaj pa jun 48.4 rech pa juntir ri’ che ri jujun taq 100,000 chi winaqilal ri’.
Pa we junab’ ri’ e pa tinamit ri’ e 1,036 chi winaqil e chapom chik, e wuqub’ chi ch’ich’ e riqom chik, 165 chi k’aqb’alil xuquje’ wajxaqib’ chi kejach’ich’ e riqom chik ri kab’ixik xa’ xe’eleq’axik. Rumal ri’ uchak patanil ri investigación criminal ri’, k’o chik 106 chi b’anoj tzukunem b’anom ri’, e 55 chi ak’alab’ xuquje’ 8 chi ri’j winaq e riqom chik, e are ri’ kab’ixik xa’ xeyut b’i kumal e ajb’anol k’ax ri’.
Eri Taqawokajnel rech ri Ya’olchajinem pa Amaq’ xub’ij ucholajil ri’ che are wa’ ri Q’atenik k’ax xuquje’ ri kichapik winaq kib’anom k’ax ri’, xekoj 11 chi comisiones municipales ri’, 24 chi comisiones comunitaria ri’, k’o 11 chi b’anoj chomab’al taq tinamit xwok uwach ri’. Xuquje’ k’o k’uttijonem tajin ri’ chi rij chajinem winaqilal, chi ke rajchak taq ri wokajilal rech ri pa Taqamaq’il xuquje’ chi ke ri Sociedad Civil rech kakoj uwach taq ri comisiones rech q’atel k’ax ri’, k’o tzijb’enik rech na’ojalil ri’, k’o wajxaqib’ chi comisiones xkoj ri’.
Eri Ministro xub’ij k’o chik Q.60,000 chi pwaqil riqom chik are rajil ri itzel awan kunb’al kab’an kumal ri narcotráfico ri’, e k’o chik 34 chi winaqil e chapom ri’ chi rij b’anoj k’ax ri’ xuquje’ e k’o keb’ e chapom chik rech ketaq b’i pache’ q’atb’al tzij rech tinamit naj, k’o 26 chi k’aqb’alil ruk’ 1,600 ub’aq’ k’aqb’alil ri’ riqom chik.
Sib’alaj xutzijoj ri’ tajin ukojik ri’ ri Modelo Policial rech Seguridad Integral Comunitaria (MOPSIC), tajin ri komonchak ruk’ ri wokajil rech pa Taqamaq’ ri’, kuk’ ri nik’aj chik ri’ xuquje’ tajin ri chomanem winaqil pa tinamit ri’.