Eri ministro rech Gobenración, Francisco Jiménez, pawe q’ij kimik xuya ub’ixik pa q’axeb’al taq tzijolinik ri e kajib’ chi ke ri job’ viceministros che ri kechakun ruk’ pa uchak taqanem. Eri b’anon tzijolinem ri’ are la’ xb’an chi uwach ri nimrachoch ri taqawokajnem ya’olchajinem pa Amaq’, pa zona 1 rech uk’u’x nimatinamit.
E are wari’:
· Nim nan Claudia Palencia, Viceministra rech Ya’olchajinem
· Nimatat Felipe Sánchez, Viceministro rech Chakunem
· Nimatat William Cameros, Viceministro rech Tecnología rech ri Tzijoninem xuquje’ rech Tzijjob’elil
· Nimatat Werner Ovalle, Viceministro Q’atenem Awan Jastaq Kunab’alil
· Are karaj na kakoj ri viceministro rech q’atenik K’ax ri’.
Eri ministro Jiménez sib’alaj xuya ub’ixik ri’ che ri nim riqonem kuk’ ri e ajtzijolinelab’ are utaqim unimaxik ri eqele’ntzij rumal ri K’amal B’e Amaq’ Bernardo Arévalo uk’am uq’ab’ unimaxik kuk’ ri winaqilal. “Are wa’ jun nimatzij ri k’o nim upatanib’al chi we ix ajtzijolinelab’ rech kiwilo ri ch’ob’otal chak che ri qas kanimax ub’anik pa le nab’e jok’al q’ij (100 días) rech ri patanem ri’”, xcha’.
Xuquje’ sib’alaj xub’ij chi oxib’ uwach nimachak pa le patanem wari’: man k’ot kuyub’al mak che ri b’anoj q’ub’an elaq’nik pa taqawokajil ri’, qas kab’an k’ut utzilaj utob’ik uwach taq ri ch’a’ojilem Ya’talil chi ke Winaqb’ xuquje’ ri utz ukojik b’a ri chakub’al kab’an pa le Ministerio rech Gobernación (Mingob) ri’.
Pas k’isb’alil ri’, eri ministro Jiménez ri’ xub’ij che ri tzij qas kab’an ub’anik ronojel q’ij ri’ are: “Man k’ot chuwe’q ri’, ri chajinem rech rech kamik”.