Pa le ukab’ q’ij b’anoj upatan ri taqawokaj rech Puertas Abiertas che ri K’amal b’e Amaq’ kuk’ ri Ministrios rech Amaq’ilal ketajin che upatanixik pa le tinamit rech Xe’laju’, chi’ k’u ri’ eri taqawokajnel rech ri Ya’olchajinik pa Amaq’, k’o solinik xub’an pa le Mega Comisaría 41 ri’.
Eri Ministro Edgar Leonel Godoy, sib’alaj xki’kotik aretaq xopan pa usolixik ri Comisaría ri’ rumal k’ut xurilo che juntir ri rajawaxik chi upam rech kakoj kumal ri e ajchajil tinamit ri’.
“Eri xupatanij ri Taqawokaj pa Amaq’ rech Jaqatil uwach pa tinamit, pa qajujunal xaqab’ano ri chakunem qumal ri’ rumal k’u ri’ xojupan pa le Comisaría Modelo k’o chi’, rumal ri’ sib’alaj kinkajmaj rilik che k’o juntir ri chakub’al xuquje’ ri eqa’leneab’ rech pa le b’anoj chak chi’ xuquje’ rumal qas sib’alaj k’o pa usaqil rilik”, xcha’ ri Ministro.
Xub’ij chik xuquje’ xki’kotik xurilo che k’o nik’aj chik uwach utz katajin ukojik chi’ kumal ri Wokajil Ajchajil Tinamit, “Ri in kinb’ij che ri jun ajchajinel xuquje’ jun ajchak we utz k’olik, utz ri’ ri chak kub’an ri’”.
Rumal ri’ eri e are kakiloq’oj kib’, qas jamal k’ut rech ke’uxlan wi, k’o kakit’is wi katz’iyaq, k’o q’ususb’al rech kakisak’ajij wi kib’, k’o kakiqupij wi kiwi’, k’o k’ut jun k’olib’al kakisuk’umaj wi ri kach’ich’ rech pa chajinem, xcha’ ri Ministro, “Kojtzalij b’i ruk’ jun utzilj ilonem xaqab’an chi rij le Comisaría ri’”.
Pa le comisaría ri’ k’o jun nimaja chi upam rech ya’tal wi le wujil rech antecedentes policiales ri’ are wari’ sib’alaj utz ri’, chi’ kaya’ wi uchuq’ab’ retal ri internet rumal k’ut we chanim qas ta ma utz ri’ are rech rech utz kel ri b’anoj chak chi’, rumal ri’ qastzij k’ut are wa’ kasuk’umaj na chi’ pa le nimatinamit ri’ xuquje’ jeri’ pa taq nik’aj chik tinamit e k’o apanoq.
Ri k’o pa le Comisaría 41 ri’
K’o oxib’ uwach b’anoj chak kab’an chi’ are ri’ rech Ya’olchajinik, ri kech Ajchak xuquje’ ri rech Tob’anem ruk’ Na’ojiminem ri’, chi’ k’ut e k’o wi e 1350 chi eqa’lenel rech ajchajil tinamit rech pa le ya’olchajinik pa le tinamit rech Xe’laju’, xuquje’ chi’ k’o wi jun jachakunb’al rech ya’tal rumal mil cien chi wujil antecedentes pa le ik’ rech enero ri’ xuquje’ k’o chik 300 xuquje’ 350 chi wujilal ri’ esam chi’ pa taq le nik’aj ik’ rech pa junab’ ri’, are wa’ katajin upatanixik kumal ri ajchak rech Chinab’jul, rech Xe’laju’, rech Chuwi’meq’ina’, Suchitepéquez xuquje’ rech San Marcos ri’.
Xuquje’ k’o ri nimaja rech b’anb’al tijob’al wa, eri kewa’ wi ri ajchak chi’ eri wa’im rech aq’ab’il ruk’ rexq’eq’al wa’im waqxaqib’ rajil xuquje’ eri wa’im rech nik’ajq’ij kab’lajuj ri rajil ri’, k’o ri wa’b’al ri’, k’o rech b’anoj t’isa’m chi’, chi’ k’u ri’ eri ajchajinelab’ kakiloq’ ri atz’iyaq ri’ ri man tojom taj rech kat’ix wiri’.