Eri Ministro ri’ xopanik rech xusolij ujachik ri kuch’b’al kichi’ winaq chi uwach ri Gobernación ri’

 

Eri Ministro rech Gobernación, Edgar Leonel Godoy, xopan pa usolixik ri jachoh kuchb’al kichi’ winaq xya’ik pa le sexga avenida, chi uwach ri Ministerio rech Gobernación.

Rech xuya’ ub’ixik ucholaj ruk’ wa’ kanimaxik ri xtaq ub’anik rumal ri K’amal b’e Amaq’ Alejandro Giammattei, k’a kasaqarik we kamik rumal ri’ xmajtaj ujachik ri kuchb’al kichi’ rech kakito’o kib’ ri winaqil e aj iximulew ri’.

Chnata’j chaqe b’a’ che we kamik are wa’ jun taq’alb’enik rech kaqakoj ri kuchb’al qachi’ ri’, are wa’ xtaq’alb’exik xuquje’ pane’ b’a’ eri winaqil man utz kakilo rumal b’a’ b’enaq chik kijunab’ ri’, xcha’ ri Ministro Gogoy.

“We jun k’ax yab’il rech ri COVID19 k’o nim k’axk’olil kakowin che uya’ik ri’ rumal ri’ e k’o winaq kekam rumal, pa nojimal k’ut kopan uya’ik chi ke konojel ri winaqil e aj iximulew rech kak’oji kuchb’al kichi’ ri’”.

Eri tojb’al kakoj chi ke ri winaq ri’ eri q’atb’altzij rech ya’olchajinem pa amaq’ xub’ij che e are ri e ajq’atol tzij ke’ilowik janipa’ chi tojb’al kakikoj chi ke ri’, wexa’ ri winaqil man kakikoj taj ri kuchb’al kichi’ ri’.

Eri taqim ujachik ri’ pa chuwe’q ri’ konojel ri winaqil e aj iximulew k’o kuchb’al kichi’ kakikoj ri’ rumal are wa’ sipam loq kumal taq embajadas ri’, xcha’.

Eri Wokajil Ajchajil Tinamit xub’ij che katajin che usolixik rech konojel b’a’ ri winaq e aj iximulew kakinimaj b’a’ ukojik kuchb’al kichi’ ri’ xuquje’ are wa’ katajin rilik rech ya’tal chi ke ri’, xcha’.