Eri b’anoj komon chajinem rumal ri Ministerio rech Gobernación ri’ (Mingob) xuquje’ ruk’ ri Ministerio Público (MP) ri’, kuk’ut ri upatan tajin kub’an ri Patanelab’ Amaq’ Iximulew ri’ rech pa ya’el ucholalejil taqanik, ri joremal xuquje’ ri ya’olchajinem chi ke ri winaqil e aj iximulew ri’, xcha’ ri ministro David Napoleón Barrientos pa le nimatzijob’elinik xub’an pa le rachoch k’olib’al ri MP ri’. Pa we q’ij ri’ xuya’ pa utzijob’exik ri 105 chi b’anoj tzukunem xb’antaj ri’ pa k’i taq uq’ab’ nimatinamit rech Iximulew ri’ xuquje’ pa taq nik’aj chik tinamit rech pa we amaq’.
“We kamik xb’antaj jun tzukunem ya’olchajinik rumal ri’ Taqanel Amaq’ Iximulew pa le kipatanem ri Ministerio rech ri Defensa Nacional xuquje’ ri Gobernación rech xtaqixik uchajixik ri k’ulb’a’t juyub’ amaq’il rech kaq’atexik ri pandilleros kapetik El Salvador ri’”, xcha’ ri Barrientos Girón.
Xub’ij chik, wari’ are la’ sib’alaj xe’uxib’ij ri winaqil e jaqal pa taq le k’ulb’a’t juyub’ pa amaq’il, rumal ri’ pa aninaqil ri wokajil ajchajil tinamit xkiq’atej ri k’ax ri’ rumal k’u ri’ xya’taj ri joremal kub’sib’al k’u’x xuquje’ ri cholalejil pa kik’olib’emal ri winaqil pa taq tinamit ri’.
Pa k’isb’al ri’ eri ministro xub’ij che ri winaqil e aj iximulew ri’ rajwaxik b’a’ kakub’ kik’u’x che upatan tajin kub’an ri Mingob xuquje’ ri MP pa le uterenb’exik ri ya’olchajinem tzukunik pa taq le wuqq’ij petinaq ri’, rech kakiya’ ya’olchajinem chi ke konojel ri winaqil e aj iximulew ri’.
Rumal ri’ eri fiscal general xuquje’ taqanel rech ri Ministerio Público, Consuelo Porras, xuya’ ub’ixik utzijol ri’ che pa taq le b’anoj tzukunem xb’antajik xechapataj k’ut nik’aj ajb’anol k’ax kakitoq’ij pwaq ri’, rumal ri’ e k’o nik’aj q’apojil xechap loq, kuk’ nik’aj chik e tz’apil pache’ ri’.