Rech b’a’ kak’exik kab’an k’ak’ taqanem che ri artículo 264 rech ri Código Procesal Penal rech ya’ik uchuq’ab’ ri chajinem pa tinamit ri k’o pa runimal ri taqanem tzij ri’ xtaq ub’ixik rumal ri ministro rech Gobernación, Marco Antonio Villeda, pa le Comisión rech Gobernación rech ri Congreso rech ri Amaq’, ri kakib’an uchomaxik, usoliwachixik ruk’ ronojel taq retaxik rilik ri cholchak ri’ rech kakib’ij utz b’a’ chi re ri’.

Pa le nim taqawokajil ri’, eri ministro Villda, achb’ilam rumal ri e rajchak, sib’alaj xuya ub’ixik chi k’o nim upatanib’al ri choltaqanik ri’ pa le ya’ik uchuq’ab’ ri chajinem pa tinamit, rech katerne’xik kij ri e’ajb’anol k’ax rumal q’atb’al tzij pa Iximulew. Xub’ij k’ut che, ri jun ch’ob’otal chak ri’ are kutaqij resaxik ri tojb’al mak chi pwaq kumal ri ajb’anol k’ax ri kechapik keqam k’aqb’al q’aq’, rech ya’tal ta chik chi ke xaq tane’ kakitoj chik rech ketzoqopix ta chi loq.

Sib’alaj xub’ij k’ut che ri jun winaq reqa’m k’aqb’al q’aq’ maj uwujil ri q’aq’ reqam kachapik eri jun winaq ri’ reqam ri q’aq’ rech kub’an taq ri k’ax xuquje’ are la’ man utz taj ri kub’ano. “E k’o kamisanel keqam k’aqb’al maj uwujil keqam are chi’ keqachapo, kenajtib’ ta k’ut pa japache’ rumal kakitojo rech ketzoqopixik, pa ki’eb’ oxib’ q’ij q’axinaq keqam chik q’aq’ rech kakikamisaj winaq keqam loq pa jumul chik ketajin che b’anow k’ax ri’”, xcha’.

Chi rij k’ut ub’anikil ri choltaqanem tzij rech ri ukojik ri control telemático rech kakoj chi ke ri ketaq pa prisión preventiva ri’, eri Taqawokajnem rech Taqon Chajinem pa Amaq’, xub’ij che ri jun b’anikil ri’ k’o jun nim q’ateb’al kub’an ri’ chi ke ri e tz’apilik pa japache’ rech kakititz’o ta chik kib’ chi la’ k’ut, wet jeri’ kab’an chi ke are sib’alaj utz ri kab’anik ri’.

Ruk’ ri ub’anik wari’, eri ajq’atol taq tzij are rech kakitaq ukojik ri Kemechakub’al rech Control Telemático, jun chakub’al rech no’jb’anem rech kub’an chajinem pa amaq’el chi re jachin keqam rech, xuquje’ kutaq retal ri qas kariqitaj wiri’ ri ajpache’ k’a pa le Jachakub’al rech Control Telemático rech ri taqawokajil ri’.