Pa Xe’laju ri’, eri ministro rech Gobernación, Marco Antonio Villeda, xopan che solinem pa le Comisar+ia 41 rech ri Wokajil Ajchajin Tinamit (PNC), chi la’ k’ut xopan wi pa rachoch ri chajib’al pa tinamit ri’, rech xub’an le rilik, we utz ri’ ri chak chajinem kab’an chi la’ k’ut, xub’an rilik ri chajinik xuquje’ xuriqlo we k’o ri’ ri katajin ub’anikj pa rulewal tinamit.
“Eri jun chakunem taqim usolixik ri’ are ri chajinik katajin kumal ri eqa’lenel chajinem pa tinamit xuquje’ rech xurilo we ub’anik katajin ri’. Xuril k’ut che utz le comisaría ri’, chi la’ k’ut k’a rajawaxik kab’an ri’ chi rij taq uyakik ri rachoch kik’olib’al taq ri e’ajchajinel pa taq tinamit ri’”, xcha’ le Taqawokajnel Ya’olchajjinem pa Amaq’ are chi’ xk’oji chi la’ k’ut.
Sib’alaj xub’ij che ri ub’ik ropanik chi la’ are uwach taq ri solinem katajin rumal pa taq rachoch k’olib’al ri chajinem pa tinamit. Achb’ilam rumal le viceministro rech Seguridad, Estuardo Solórzano ri’, ri k’amal b’e rech ri PNC, David Custodio Boteo ri’ xuquje’ are jun ri k’amal b’e rech ri K’amal Ub’e ri Taqawokajil rech Tz’apib’al Japache’ ri’ (DGSP), Jorge López Dellachiesa ri.
Sib’alaj kaya utzijol ri’ che pa rulewal tinamit ri’ k’o 114 chi q’ij ri’ maj jun b’anow k’ax kamisanik b’anom tane’ pa le nab’e q’ij rech enero pa le 11 rech mayo kanoq ri’. Are wa’ uwach ri ub’anikil taq chajinem puqtzukunik b’anom kumalri wokajil ajchajin tinamit rech pa le kachajixik ri winaqilal, rech uq’atexik taq b’anow k’ax xuquje’ ri kamisanik pa le rulewal tinamit ri’.
Xuterne’j ub’anik ri chakunik solinem pa le Granja Modelo rech Rehabilitación Cantel, chi la’ k’ut le Taqawokajnel Ya’olchajinem pa Amaq’ xopan chi la’ rech xurilo we katajin unimaxik ri b’anow jikom chajinem chi la’ ruk’ taq ri cholb’al chak ri taqim ub’anik pa le rachoch japache’ tz’apib’al winaq ri’ rech tojb’al kimak ri’.
“Ronojel wari’ k’o jun nimalaj upatanib’al rech kanimax ri tojb’al taq mak ri’, man xaq ta ri’ kekoj pa k’ajsab’al kiwach, xane’ rech kesuk’umaxik ri nik’aj winaq che ri kakaj kakisuk’umaj kib’ rumal are ri’ taqim ub’anik rumal ri Wokom Amaq’ rech ri kachajixik ri winaq e tz’apilik pa le japache’ rech pa jumul chik kakisuk’umaj kib’”, xcha’ le nima tat ministro Villeda.
Eri cholchak ri’ are tajin kub’an jun nimalaj upatanib’al pa le kasuk’uxik ri winaq e tz’apilik pa rachoch japache’ ri’. E’are k’ut ri ketatab’enik pa le cholchak rech b’anow chak poq’san jastaq meb’il, ri rajawaxik ri’ rech kakiya kipwaqil ri kachalalil xuquje’ rech kakiriqo kichak are chi’ ketorotaj b’i.