Pa nojol rulewal amaq’ tinamit xb’an wi nim uq’atexik ri narcotráfico ri’ ruk’ ri 1,788 upajb’alil rech cocaína xriqitaj loq eri rajil kab’ixik are Q243,204,200 ri’. Eri eqa’n chi awan kunb’al ri’ are la’ eqam b’i pa jun nim jukub’ ch’ich’ pa uwi palow ri’ ri xriqitaj loq kumal ri Marina rech ri Defensa Nacional ri’, pa taq le nimalaj ja’ rech ri Océano Pacífico aj iximulew ri’.
Eri awam jastaq ri’ are la’ xriq kumal reqa’lenelab’ ri e b’enaq pa jun jukub’ab’il Comando Naval rech ri Pacífico, k’o pa Puerto San José, Escuintla ri’. Pa le tzukunik xkib’an ri’ xriqitajik 50 chi k’olib’alil, chi upam xriq wi 1,500 ri awan jastaq kunb’al pisolik, jeri’ ruk’ jun chokonsab’al ub’i’ GPS ri are la’ kojom pa le b’inik pa uwi nim palow ri’.
Xuquje’ xechap loq nik’aj winaq e’ecuatorinaos ri’ a Antonio “N”, 44 ujunab’; a Raúl “N”, 48 ujunab’; xuquje’ a Tiofilo “N”, 63 ujunab’,jeri’ jun chik ub’i’ a Alejandro “N”, 30 ujunab’ xuquje’ a Eliunatan “N”, 28 ujunab’; xuquje’ k’o jun winaq aj iximulew xuquje’ mexicano ri’ ub’i’ Verin “N”, 33 ujunab’ ri’, are kab’ixik b’enaq pa jun nima jukub’ib’al ri’. Rumal ri’ xek’am b’i pa taq q’atb’al tzij chi rij ri k’ax xkib’ano.
Are chi’ xetexik xq’alajinik che ri nik’aj pisob’alil ri’ are ri cocaína xriqitaj ri’. Rumal ri’ eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), pa kemonchak kuk’ ri q’atol tzij rech ri Ministerio Público (MP) xpis b’i ri awan kunb’al xriqitaj ri’.
Te k’u ri’ xk’am b’i ri jun eqa’n awan kunb’al ri’ pa taq ri helicópteros rech ri Unidad Aérea rech ri Ministerio rech Gobernación (UNAGOB), k’a pa le Comando Naval rech ri Pacífico ri’ rech xk’am b’i pa taq k’olib’alil rechr i SGAIA rech ri PNC, k’o pa le zona 6 rech rulewal nimatinamit ri’, rech katerne’xik uq’atik tzij chi rij ri’.
Eri b’anow taq tzukunem rech kaq’alajisax uwach upetib’al ri awan kunb’al ri’ k’a pa Ecuador rech taqom b’i k’a pa México ri’. Eri chajinem tzukunik ri’ are kuk’ut ri’ ri nimachak sib’alaj katajin kumal taq ri wokajil e’ajchajin tinamit kuk’ ri e’ajchajin amaq’ ri’ rech pa le kaq’atexik ri narcotráfico pa rulewal tinamit ri’.